Jeremia 9:15 - ÎVUKU RÎA ÛVORO MWARO

¹⁵ Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Jeremia 9:15 ပူးပေါင်းရင်းမြစ်များ

Thaburi 60:3

We nîûtûmîte andû aku manyamare mûno; tûtûgûgaga ta mîrîu ya ndivei.

Thaburi 69:21

Nîmaamveee irio irî na ûrogi, na rîrîa naarî mûnyondu nîmaangundirie ndivei îno ngagatu.

Thaburi 75:8

Ngai-Mûnene anyitîte gîkombe na njara, gîcûrîte ndivei ndûrû ya marakara make. Nîaramîtûrûra, na andû onthe arîa aganu nîmaramînyua; maramînyua yonthe nginya îtata rîa mûthiia.

Thaburi 80:5

Nîûtûmîte kîeva gîtuîka irio cietû, na ûgatûva methori matuîka kîndû gîa kûnyua.

Isaia 2:17

Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 25:15

Ngai-Mûnene, Ngai wa Isiraeli aambîrire atîrî, “Oca gîkombe gîkî Kîam ndivei kuuma njararî yakwa gîcûrîte marakara makwa, ûkîvire mavûrûrirî marîa ngûgûtûma, na ûmanengere manyue.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 49:37

Nîngaatûma andû a Elamu metigîre nthû ciao, irîa ciendaga kûmaûraga. Nîngaûraga andû a Elamu nîrî na marakara meengî. Ngaamatûmîra athigari a mbaara mamaûrage mathire viû.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Maca 3:15

Atûmîte ngîa na mathîna meengî, na ngîa na ûrûrû mwîngî.

Maca 3:19

Ngai-Mûnene, ririkana mathîna na ûrûrû wakwa, ûcûkîte ta ûrûrû wa ûrogi.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 5:2

Rîrîa mîthenya ya kûrigicîria îtûûra rîa Jerusalemu îkaathira, nîûgoca gîcunjî kîmwe Kîam ithatû ûthiî ûgakîvîvîrie gatagatî ga îtûûra. Na gîcunjî kîmwe Kîam ithatû ûgîtinangîrie mîenarî yonthe ya îtûûra. Nakîo gîcunjî kîu kîngî Kîam kathatû ûkîgûrûkithie na rûkûngi nîûndû nîngaamarûmîrîria njomorete rûviû.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Kûguû 8:11

(Rîîtwa rîa njata îo nî “Ûrûrû”.) Gîcunjî kîmwe Kîam ithatû Kîam manjî nîmaatuîkire marûrû. Nao andû eengî nîmaakwire manyua manjî mau maatuîkîte marûrû.