Jeremia 9:11 - ÎVUKU RÎA ÛVORO MWARO

¹¹ Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Jeremia 9:11 ပူးပေါင်းရင်းမြစ်များ

Nehemia 4:2

Nîwaririe arî mbere ya aa mûrwang'ina na mbere ya mbûtû ya athigari a Samaria akiuga atîrî, “Ayahudi aya matanarî na vinya mareka atîa? Marenda gûtuma rûthingo rîngî? Mareciria na njîra ya kûrutîra Ngai magongoona nwa mavote kûrîkia wîra ûcio na mûthenya ûmwe? Nwa mavote gûcokia mathiga ma gûtuma ûrîa meekariî kuuma ciûmbwarî ino maaûmbirwe mavîvua?”

Thaburi 107:43

Andû arîa aûgî nîmecirie ûvoro wa maûndû mama, na maririkane wendo ûtathiraga wa Ngai-Mûnene.

Thaburi 44:19

Kûnarî ûguo, nîûtûrekereretie kûrî ciathi; nîûtûtiganîrîtie ndumarî ndumanu mûno.

Thaburi 79:1

We Ngai, andû a ndûrîrî nîmatharîkîrîte vûrûri waku, nîmagwatîtie hekarû yaku ntheru mûgiro na nî momorete îtûûra rîa Jerusalemu.

Isaia 13:22

Mviti nîikaarîraga irî nyombarî ndaca na îgûrû, nacio ciathi igambage irî nyombarî irîa ciarî ciao athamaki. Îvinda rîa Babuloni rîrî vakuvî! Mîthenya yarîo îrî vakuvî kûthira.”

Isaia 25:2

Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Isaia 34:13

Mîgua nîkaamera kûndû kwao kûrîa kûgitîre, ria na mîgua nîgaakûra kûndû kûrîa kûrî na nthingo cia vinya. Kûu nîkuo gûgatûûraga ciathi na nyaga.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 10:22

Tathikîrîriani! Kûrî na ndûmîrîri yatûkinyîra! Kûrî na înegene înene kuuma mwena wa rûgûrû, vûrûri wa mwena wa rûgûrû nî ûkîte; gûtûma matûûra ma Juda matuîke werû, kûrîa nyamû cia kîthaka ikamamaga.

Jeremia 16:10

“Rîrîa ûkeera andû acio maûndû mama monthe, nî magakûûria atîrî, ‘Nîndûî gîtûmîte Ngai-Mûnene atûtuîra gûtûverithia na ûndû mûcûku ûguo? Nî ûndû ûrîkû mûcûku twîkîte? Nî mevia marîkû twîvîtie Ngai-Mûnene, Ngai wetû?’

Jeremia 25:11

Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 25:18

Nambîrîrie gûkundia Jerusalemu na matûûra ma Juda; ngîcoka gûkundia athamaki na anene a kuo, nîguo matuîke kûndû gûtarî kîndû, na werû na kûndû gwa kûnyararwa na kûndû kûrume, wata ûrîa gwîkariî ûmûnthî,

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 49:33

Îtûûra rîa Hazoru nîrîtûûra rîrî werû tene na tene, mbwe nîcio îgatûûraga kuo. Gûtirî mûndû ûgacoka gûtûûra kuo, kana ararîrîra kuo. Ûguo nîguo nie Ngai-Mûnene nauga.”

Jeremia 50:3

“Nîûndû vûrûri kuuma mwena wa rûgûrû nîûkîte kûtharîkîra vûrûri wa Babuloni, na ûûtue maganjo. Gûtirî mûndû ûgaûtûûra, andû nîmakaaûra wana nyamû ciume kuo.”

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 3:47

Tûnyitîtwe nî guoya na kîmako, twîthîrîrîtue nî mûthiro na gûcûkangua.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.