Jeremia 9:10 - ÎVUKU RÎA ÛVORO MWARO

¹⁰ Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Jeremia 9:10 ပူးပေါင်းရင်းမြစ်များ

Isaia 41:15

Nîngaatûma mûtuîke ta mûtî wa kûvûûra ngano, ûrî na magego macerû na maûgî, nîmûkaavûra irîma na mûivaraganie, mûgaakinyanga tûrîma tûtuîke ta rûkûngû.

Isaia 49:19

“Nama vûrûri waku ûrîa mûcûkangie na ûgatiganîrua, nîûkethîrwa ûrî mûnini mûno wa gûtûûrwa nî andû aku; nao arîa maagûtavîte makethîrwa marî kûraca nawe.

Jeremia 12:10

Arîthi eengî nîmacûkangîtie mûgûnda yakwa ya mîthavibu, nîmakinyangîte mîgûnda yakwa, nîmatûmîte vûrûri wakwa ûrîa mwaro ûtuîke werû.

Jeremia 12:11

Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 14:6

Nyûmbû irûngamaga tûthûrûmûndûrî tûtarî na nyaki, ikîvevaga ta mbwe igîcaria rîera, metho ma cio matirona nîûndû wa gûtura irio.”

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Jeremia 23:10

Nîûndû vûrûri wîcûrîtwe nî itharia nîûndû wa irumi, vûrûri nî ûracakaya, na nyaki ya kûrîthia werûrî nî nyûmû. Mîthiîre yao nî îno mîcûku, matûmagîra vinya wao na njîra îtagîrîrîte.

Jeremia 50:3

“Nîûndû vûrûri kuuma mwena wa rûgûrû nîûkîte kûtharîkîra vûrûri wa Babuloni, na ûûtue maganjo. Gûtirî mûndû ûgaûtûûra, andû nîmakaaûra wana nyamû ciume kuo.”

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Jeremia 8:18

Nîrî na kîeva gîtangîthira, nîrî mûrwaru ngoro.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Ezek 14:15

“Nîngîtûma nyamû cia kîthaka ivîtûkîrîre vûrûri ûcio na ciûrage andû viû na ûtigwe ûtarî mûndû, na gûtuîke gûtirî mûndû ûngîvîtûkîrîra kuo nîûndû wa nyamû.

Ezek 27:2

“Mûndû, ina rwîmbo rwa macakaya nîûndû wa îtûûra rîa Turo,

Ezek 29:11

Îvinda rîa mîaka mîrongo îna vûrûri ûcio ndûgaatûrwa nî andû na gûtirî mûndû ûkaavîtûkîrîra kuo kana nyamû îvîtûkîrîra kuo.

Ezek 33:28

Ngaatûma vûrûri ûtuîke werû na ûtarî kîndû. Vinya wao ûrîa metîîaga naguo nîûkaathira. Irîma cia Isiraeli ikeethîrwa irî werû mûcûku mûno na gûtirî mûndû ûkaavîtûkîra kuo.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:19

We Ngai-Mûnene nînîrakûrîrîra, mwaki nîûthirîtie kûndû gwa kûrîthua, nînîmbî cia mwaki nîithirîtie mîtî yonthe ya kîthaka.

Amosi 5:1

Tathikîrîria ngîgûcakaîra we Isiraeli.

Amosi 5:16

Kwoguo Ngai-Mûnene, Mwene vinya wonthe arauga atîrî, “Nîgûkethîrwa na kîeva na kîrîro icagirî na matûûrarî monthe. Andû nîmagacakaya makiugaga, ‘Ûûi! Ûûi!’ Arîmi nîmagetwa wana arîa marîvagwa gûcakaya mathiî magacakaîre arîa akuû.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.