Jeremia 8:9 - ÎVUKU RÎA ÛVORO MWARO

⁹ Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Jeremia 8:9 ပူးပေါင်းရင်းမြစ်များ

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Ayubu 5:12

Nîacûkangagia mîvango ya arîa marî wara, nîguo wîra ûrîa marutaga ûtuîke wa mana.

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 19:7

Watho wa Ngai-Mûnene nî mûkinyanîru, nî ûvecaga mûndû vinya mûcerû. Maathani ma Ngai-Mûnene nî ma kwîvokeka, nîmavecaga ûûgî arîa matarî naguo.

Isaia 19:11

Atongoria a îtûûra rîa Zoani nî aritu mûno; ataari a mûthamaki wa Misiri mavecanaga mataaro ma ûrimû. Mangîvota atîa kwîra mûthamaki wa Misiri, atî o nî njiarwa cia andû arîa aûgî, njiarwa cia athamaki a tene atîa?

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 43:27

Îthe waku wa mbere nîwevirie; nao arîa maakwaragîrîria nîmaareganire nanie.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 6:19

We nthî thikîrîria! Nîngûretera andû aya mûthiro, ûrî maciaro ma mîvango yao mîcûku. Nîûndû nîmaregete kûnthikîrîria, na makarega watho wakwa.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Zakaria 13:4

Kavinda kau gakinya, arathi nîmakegucaga nthoni nî cioneki ciao. Matigetîkîra gwîkîra nguo irîa irî guoya cia ûrathi nîguo maveenanie,

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.