Jeremia 8:22 - ÎVUKU RÎA ÛVORO MWARO

²² Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Jeremia 8:22 ပူးပေါင်းရင်းမြစ်များ

Kîam 37:25

Rîrîa mekarire nthî kûrîa irio, nîmoonire gîkundi Kîam Aishumaeli marî rûgendorî maumîte Gileadi mathiîte Misiri. Ngamîîra ciao ciakuuîte ûbani, indo irîa ciîkagîra irio mûcamo, na mînyamû mînungi waro kuuma mûtîrî wa mare.

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 22:6

Nîûndû ûvoro wîgiî nyomba ya mûthamaki wa Juda Ngai-Mûnene arauga atîrî, “We wîkariî ta vûrûri wa Gileadi kûrî nie, na ta tûthûrûmûndû twa Lebanoni; nwatî nama nîngatûma ûtuîke werû, îtûûra rîtatûûragwa nî andû.

Jeremia 46:11

Unûkiani Gileadi na mwîvake ndawa mue andû a Misiri! Mûtûmîrîte ndawa nyîngî mana, na mûtikaavona.

Jeremia 51:8

Babuloni nîûgwîte wa rîmwe na ûkavootwa; ûcakaîreni! Carîriani ironda ciaguo ndawa, nwa kwîthîrwa nîûkûvona.

Jeremia 6:7

Wata ûrîa kîthima kigaga manjî matheru, nwa guo Jerusalemu igaga waganu, mbaara na wanangi ciîguîkaga kuo, andû arwaru na marî na ironda nîmonaga vîndî cionthe.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 2:13

Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?

Ezek 27:17

Andû a Juda na andû a Isiraeli nîmaarutithanirie wîra wa kûgûra na kwendia indo nawe. Maakûretere ngano, ndamaiyû, ûûkî, maguta na mînyamû mînungi waro nîguo ûmakûrananîrie na indo ciaku.

Ndari 32:1

Andû a mûvîrîga wa Reubeni na wa Gadi maarî na ndîthia nyîngî mûno. Rîrîa moonire vûrûri wa Jazeri na vûrûri wa Gileadi warî na kûndû kwaro kwa ndîthia ciao,

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.