Jeremia 8:16 - ÎVUKU RÎA ÛVORO MWARO

¹⁶ Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Jeremia 8:16 ပူးပေါင်းရင်းမြစ်များ

Ayubu 39:20

Nîwe ûtûmaga mbarathi îrûgarûge ta ngige? Mûkunîrie wayo nîwakûmakania.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 3:24

Nwatî kuuma tûrî andû ethî, ûndû ûyû wa gîconoko nîûcûkangîtie indo cionthe irîa methe metû maacaririe na nthithina: ng'ondu, ng'ombe anake ao na erîtu ao.

Jeremia 30:16

Kûnarî ûguo arîa onthe mamûcûkangagia nîmagaacûkangua, nacio nthû cienyu cionthe nîigaatavwa ivirwe îthamîriorî; arîa onthe mamûtavaga wanao nîmagaatavwa, na arîa onthe mamûvinyagîrîria wanao nîmakavinyîrîrua.

Jeremia 30:5

“Nie Ngai-Mûnene mbugîte atî: Nîkwîguîtwe kîrîro gîa kûmakania, na mûgambo wa gwîkanîra guoya na tî thayû.

Jeremia 4:24

Nînaroririe irîmarî na ngîona ikinaina, wana tûrîma tuonthe tûkinaina.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 47:3

rîrîa makegua înegene rîa mavûngû ma mbarathi, înegene rîa ikaari cia mbaara, na mûrurumo wa magûrû ma cio. Methe nîmakaariganîrwa nî ciana ciao, njara ciao ikethîrwa iregerete mûno.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Nahumu 3:2

Thikîrîria mûgambo wa ivoko, mûgambo wa nthugû cia ikaari, mûgambo wa mavûngû ma mbarathi mûrurumo wa ikaari cia mbarathi.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

1Akor 10:26

Nîûndû nîkwandîkîtwe mandîkorî matheru atîrî, “Nthî na indo cionthe irîa irî kuo nî cia Mwathani.”

1Akor 10:28

Nwatî mûngîrwa nî mûndû atîrî, “Irio ino irutîrîtwe mîvuanano,” mue mûtikairîe. Nîrauga ûguo nîûndû wa mûndû ûrîa ûngîmwîra ûguo na nîûndû wa thamiri cienyu.

Atir 18:29

Nîmaagarûrire rîîtwa rîa îtûûra rîu rîa Laishi na makîrîîta Dani. Maarîtanirie na îthe wao wa tene Dani ûrîa warî mûvîcî wa Jakovu.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 5:22

Mavûngû ma mbarathi nîmaarumirie nthî, nîûndû wa ûrîa ciarûgarûgaga na vinya.