Jeremia 8:13 - ÎVUKU RÎA ÛVORO MWARO

¹³ Ngai-Mûnene arauga atîrî, “Nendaga gûcokanîrîria andû akwa vamwe, ta ûrîa mûrîmi acokanagîrîria maketha make, mekariî ta mîthavibu îtarî na thavibu, kana ta mîkûyû îtarî na ngûû; na mathangû mayo marî maûmû, wana kîrîa kîonthe namaveete nîkîaûrire.”

Jeremia 8:13 ပူးပေါင်းရင်းမြစ်များ

Isaia 5:10

Mûgûnda wa mîthavibu wa eka îkûmi ûkaaumaga lita inyanya cia ndivei. Mûndû ûrîa ûkaavanda kilo îgana rîmwe cia mbegû agaaketha kilo îkûmi tu cia ngano.”

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 17:8

Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Hosea 2:12

Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.

Joeli 1:7

Nîicûkangîtie mîthavibu yakwa, nîirîte mîkûyû yetû, nîirutîte makoni na ikamaikia nthî, na mvûa cia yo itigîtwe irî njerû.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Hagai 1:11

Nîndûmîte kûgîe na thano vûrûrirî, na îgacûkangia irîmarî, mîgûnda ya ngano, mîgûnda ya mîthavibu na ya mîtamaiyû, andû na nyamû na kîrîa kîonthe mûkûragia.”

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Malaki 3:11

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga.

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Jakuvu 1:11

Riûa nîrîaraga rîrî na ûrugarî mwîngî na rîkavîvia mûmera, maûa maguo magûcaga na ûthaka waguo ûkathira. Na njîra wata îo itonga nîigaakua îrî mawîrarî ma cio.