Jeremia 7:6 - ÎVUKU RÎA ÛVORO MWARO

⁶ Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 7:6 ပူးပေါင်းရင်းမြစ်များ

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Thaburi 106:38

Nîmeetûrûrire nthakame ya andû mataarî na mavîtia, nthakame ya anake na erîtu ao; arîa maarutire marî magongoona kûrî mîvuanano ya Kanaani, naguo vûrûri ûkîgwatwa nî mûgiro nîûndû wa nthakame îo.

Nthi 23:10

Ndûkagendagendie mûkûmbû kuuma varîa ûtûûraga, kana woce mûgûnda wa ciana cia ndigwa.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Jeremia 7:5

“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:33

“Mûtikavinyagîrîrie ageni arîa mûtûûranagia nao vûrûrirî wenyu.

Alawi 25:17

Mûtikaveenie Aisiraeli arîa engî, nwatî mwîtigagîre Ngai-Mûnene, Ngai wenyu.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Gûco 11:28

Mwarega kwathîkîra maathani ma Ngai-Mûnene Ngai wenyu, na mûgooce ngai ciîngî irîa mûtaaicî mbere, nîmûkaaverithua.

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.