Jeremia 7:25 - ÎVUKU RÎA ÛVORO MWARO

²⁵ Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Jeremia 7:25 ပူးပေါင်းရင်းမြစ်များ

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 36:15

Ngai-Mûnene, Ngai wa methe mao nîwatûmanîte kûrî o maita meengî kûvîtûkîra kûrî anjaama ake, nîûndû nîwamegucagîra ntha wa vamwe na hekarû yake.

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Isaia 5:4

Nî ûndû ûrîkû nîngîekire mûgûndarî wakwa, ûrîa nie naregire gwîka? Rîrîa netererete ûciare thavibu mbaro, nîndûî gîatûmire ûciare thavibu cia kîthaka?

Jeremia 11:7

Nîûndû rîrîa narutire methe mao Misiri, nînamerire na kinyi mambathîkîre na nginya ûmûnthî nînîmeraga mambathîkîre.

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 25:4

Mue mûtienda kûmîgua kana kûmîthikîrîria wana ethîrwa Ngai-Mûnene atûûraga amûtûmagîra arathi ndungata ciake atagûtigithîrîria.”

Jeremia 29:19

Ngaameka ûguo nîûndû nîmaaregire kûthikîrîria ndûmîrîri yakwa îrîa namatûmagîra maita meengî na njîra ya arathi ndungata ciakwa, na makîrega kûnthikîrîria. Ûguo nîguo nie Ngai-Mûnene nîrauga.’ ”

Jeremia 35:14

Maûndû marîa Jonadabu mûvîcî wa Rekabu aathire ciana ciake, atî matikanyue ndivei, nîmaamarûmîrîre, na nginya ûmûnthî matiananyua ndivei nîûndû nîmathîkîrîte watho wa îthe wao. Nwatî mbîthîrîtwe ngîaria namue mavinda kwa mavinda na mûtimbîgucaga.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 12:10

Nie nînaririe na arathi; nînie namaveere cioneki nyîngî na njîra yao, nînîranîrîra mûvango wakwa.

Amosi 2:11

Nînathuurire andû amwe a njiarwa cienyu matuîke arathi, na anake amwe enyu matuîke Anazari. Kinthî ûcio tî ûvoro wa ma mue andû a Isiraeli? Ûguo nîguo Ngai-Mûnene arauga.

Malaki 3:7

Kuuma vîndî ya methe menyu, mue nîmûtiganîrîtie maathani makwa na mûkarega kûmarûmîrîra. Kwoguo nie Ngai-Mûnene, mwene vinya wonthe nîrauga atîrî: Njokererani, nanie nîngûmûcokerera. Nwatî mue mûragia atîrî, ‘Nîtûgûcokerera atîa?’

Luka 11:49

Nîûndû wa ûguo, ke ûrîa wîtagwa Ûûgî wa Ngai nîwaugire atîrî, ‘Nie nîngaamatûmîra arathi wana atûmwa. Nîmakaaûraga amwe ao na manyarire arîa engî.’

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.