Jeremia 7:24 - ÎVUKU RÎA ÛVORO MWARO

²⁴ Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Jeremia 7:24 ပူးပေါင်းရင်းမြစ်များ

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 18:10

nwatî vûrûri kana ûthamaki ûcio ûgarûrûke na wambîrîrie gwîka maûndû macûku mbere yakwa, nîngericûkwa ndige kûwîka maûndû maro marîa navangîte gûwîka.

Jeremia 18:12

Nwatî o maugaga atî, ‘Tûtingîka ûguo! Nîtûthiî na mbere na mîvango yetû, na wa mûndû nî athiî na mbere gwîka maûndû macûku kûringana na ûûmû na waganu wa ngoro yake.’ ”

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:16

nîûndû nîmaaregire mawatho makwa na makîrega kûrûmîrîra irîra ciakwa. Ngoro ciao cierirîrie kûgooca mîvuanano na makîrega kûva thavatû ciakwa gîtîîo.

Ezek 20:21

“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Hosea 10:6

Mûviano ûcio nîûkaavirwa Asîria, ûrî ta gooti kûrî mûthamaki mûnene. Andû a Efiraimu nîmagaconorithua, Andû a Isiraeli nîmagaconoka nîûndû wa mûviano wao.

Hosea 4:16

Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.