Jeremia 7:23 - ÎVUKU RÎA ÛVORO MWARO

²³ Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Jeremia 7:23 ပူးပေါင်းရင်းမြစ်များ

Ayubu 36:11

Nao mangîathîkîra Ngai na mamûtungatîre, nî makarathimwa ûtûûrorî wao wonthe, na mîaka yonthe methagîrwe marî na gîkeno.

Thaburi 119:3

andû arîa matekaga maûndû macûku; nwatî nîmarûmagîrîra njîra ciake.

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 16:32

Nake Musa nîwaugire atîrî, “Ngai-Mûnene nîwathanîte twige maana mamwe nîguo njiarwa cietû cionage irio irîa aatûveere tûrîcage tûrî werûrî rîrîa aatûrutire vûrûri wa Misiri.”

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 11:7

Nîûndû rîrîa narutire methe mao Misiri, nînamerire na kinyi mambathîkîre na nginya ûmûnthî nînîmeraga mambathîkîre.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 38:20

Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Jeremia 42:6

Ethîrwa nî ûndû mwaro kana mûcûku, tue nîtûkwathîkîra mûgambo wa Ngai-Mûnene Ngai wetû, ûrîa tûragûtûma kûrî ke nîguo maûndû metû magîre twathîkîra Ngai-Mûnene Ngai wetû.”

Zefania 3:2

Ndathikagîrîria mûgambo wa wonthe, ndetîkagîra kûrûngwa. Ke ndetîkagia Ngai-Mûnene, na ndakuvîvagîria Ngai wake.

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”

Zakaria 7:7

Ndûmîrîri îo nîyo Ngai-Mûnene aamûkinyîîrie na njîra ya arathi arîa maarî kuo mbere. Vîndî îo îtûûra rîa Jerusalemu nîrîagaacîrîte na rîgatûûrwa nî andû eengî. Wanamo matûûra marîa maarigicîrîtie Jerusalemu, vûrûri wa mwena wa îveti, na vûrûri ûrîa ûrî nthî ya irîma nîgwatûûraga andû eengî.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

Gûco 11:27

Ethîrwa nî mûkwathîkîra maûndû marîa Ngai-Mûnene Ngai wenyu amwathîte, nîmûkwamûkîra kîrathimo.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 30:2

na mûcokerere Ngai-Mûnene Ngai wenyu, mue na njiarwa cienyu na mûvingie maûndû monthe marîa ngûmwatha ûmûnthî na ngoro yonthe na mwoyo wonthe;

Gûco 30:20

Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 30:8

Nîmûgaacoka kwathîkîra Ngai-Mûnene rîngî na kûvingia maathani make monthe marîa ngûmûva ûmûnthî.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.