Jeremia 7:21 - ÎVUKU RÎA ÛVORO MWARO

²¹ Ngai-Mûnene mwene vinya wonthe, Ngai wa Isiraeli arauga atîrî, “Ongererani matega menyu ma kûvîvua kûrî magongoona marîa menyu mûrîe nyama ciamo.

Jeremia 7:21 ပူးပေါင်းရင်းမြစ်များ

Thaburi 50:8

Ndiragûtetia nîûndû wa magongoona maku, matega ma kûvîvua marîa ûndutagîra vîndî cionthe.

Isaia 43:23

Ndwamindîre ng'ondu yaku ya matega ma kûvîvua, kana ûndîîa na magongoona maku. Ndiakûritûvîra ngîgwîtia matega, kana ngûnogia ngîgwîtia ûbani.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Ezek 33:25

“Kwoguo meere nie Ngai-Mûnene nîramera atî: Nîmûrîcaga nyama irî na nthakame, mûkavoya ngai cia mîvuano na mûkaûragana. Mûrona vûrûri ûyû wagîrîrwe nîgûtuîka wenyu?

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Gûco 12:27

Vau nîvo mûkaarutagîra matega ma kûvîvua, nyama na nthakame metharî ya kîgongoona ya Ngai-Mûnene Ngai wenyu. Nthakame îgeetûrûragwa metharî ya kîgongoona ya Ngai-Mûnene Ngai wenyu, mûgacoka mûkarîa nyama.