Jeremia 6:25 - ÎVUKU RÎA ÛVORO MWARO

²⁵ Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Jeremia 6:25 ပူးပေါင်းရင်းမြစ်များ

2Maû 15:5

Vîndî îo gûtirî mûndû ûngîavotire kumagara kana gûcoka arî na thayû, nîûndû kwarî na thîna na gûtiarî na thayû mavûrûri monthe.

Ayubu 18:11

Athiûrûrîkîrîtue nî maûndû ma kûmwîkîra guoya, marûmanagîrîra nake îkinyo gwa îkinyo.

Thaburi 31:13

Nînîregua nthû nyîngî ikîvevanîrîra, thîna ûrî na mîena yonthe, maravanga ûrîa makûntharîkîra, maravanga ûrîa makûmbûraga.

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 30:5

“Nie Ngai-Mûnene mbugîte atî: Nîkwîguîtwe kîrîro gîa kûmakania, na mûgambo wa gwîkanîra guoya na tî thayû.

Jeremia 4:10

Nînacokire ngiuga atîrî, “We Ngai-Mûnene, nama nîûveenetie andû a Jerusalemu viû na ûkaamera atî maûndû mao nîmakwîthîrwa marî maro, nwatî vîndî îo nîrîo marî ûgwatirî mûnene.”

Jeremia 4:5

Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 49:29

Ocani magema mao na ndîthia ciao, wana mbathia na indo ciao cionthe; macuneni ngamîîra ciao na mûmeere atîrî, ‘Guoya wîcûrîte kûndû kuonthe!’

Jeremia 49:5

Taroria, nîngûmûretera maûndû ma kûmwîguithia guoya, kuuma kûrî andû onthe arîa mamûrigicîrîtie, namue nîmûkavinyûrua wa mûndû aûre njîra yake, na gûtikaagîa mûndû wa gûcokanîrîria arîa maaûrire. Ûguo nîguo nie Ngai-Mûnene nîrauga.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jeremia 8:15

Twerîgîrîre thayû nwatî gûtirî wega twonire, tûkîrîgîrîra îvinda rîa ûvonia nwatî twonire kîmako.

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Ezek 21:17

Nie wananie nîngaavûra mvî, na marakara makwa nîmakaathira.” Nie Ngai-Mûnene nînie mbarîtie.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.