Jeremia 6:22 - ÎVUKU RÎA ÛVORO MWARO

²² Ngai-Mûnene arauga atîrî, “Taroria, andû nîmaûkîte kuuma mwena wa rûgûrû, vûrûri mûnene ûrîa ûrî kûraca mûno gûkû nthî nî ûrevarîria mbaara.

Jeremia 6:22 ပူးပေါင်းရင်းမြစ်များ

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Jeremia 10:22

Tathikîrîriani! Kûrî na ndûmîrîri yatûkinyîra! Kûrî na înegene înene kuuma mwena wa rûgûrû, vûrûri wa mwena wa rûgûrû nî ûkîte; gûtûma matûûra ma Juda matuîke werû, kûrîa nyamû cia kîthaka ikamamaga.

Jeremia 13:20

Jerusalemu taroria wone andû arîa maumîte mwena wa rûgûrû, irîkû ndîthia îrîa waveerwe ûrîthagie, ndîthia îrîa wetîaga nayo îrî kû?

Jeremia 25:32

Ngai-Mûnene mwene vinya wonthe arauga atîrî, “Taroria mûthiro ûranyita vûrûri ûmwe kûthiî ûrîa wîngî, na rûkûngi rûnene nîrûravurutana, rumîte mîthiia ya nthî!”

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 30:5

“Nie Ngai-Mûnene mbugîte atî: Nîkwîguîtwe kîrîro gîa kûmakania, na mûgambo wa gwîkanîra guoya na tî thayû.

Jeremia 4:16

Ûrera mavûrûri na ûkanîrîra Jerusalemu atî: “Atharîkîri maumîte vûrûrirî wa kûraca, makiugagîrîria ûrîa makûtharîkîra matûûra ma Juda.

Jeremia 4:6

Igani kîmenyithia njîrarî ya Zayuni! Vinyûrani mwîgitîre! Mûtigacererwe! Ngai-Mûnene nîakûrete mûthiro kuuma mwena wa rûgûrû, na gûcûkangua kûnene.

Jeremia 47:2

Ngai-Mûnene arauga atîrî: “Taroria manjî nîmarauma mwena wa rûgûrû, namo nîmatuîka ta rûnjî rwîcûrîte rûkauna; nîmagaakunîkîra nthî na indo cionthe irîa irî kuo, makunîkîre îtûûra vamwe na atûûri a rîo. Andû nîmakaaugîrîria; andû onthe a nthî nîmakaarîra marî na ûrûrû mwîngî,

Jeremia 5:15

Ngai-Mûnene arera andû a Isiraeli atîrî, “Nîngûmûretere rûrîrî kuuma kûndû kûraca rûmûtharîkîre. Rûrîrî rûkûrû rûtangîvooteka, rûrîrî mûtangîmenya rûthiomi rwaruo, wana mûtangîtaûkîrwa nî ûrîa marauga.

Jeremia 5:16

Athigari ao njamba maûraganaga matarî na ntha.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 23:22

“Kwoguo we Oholiba Ngai-Mûnene arauga atîrî, “Rîu nîngûtûma anyanya aku arîa watiganîrie magûkîrîre. Magaagûkîrîra kuuma na mîena yonthe.

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.