Jeremia 6:19 - ÎVUKU RÎA ÛVORO MWARO

¹⁹ We nthî thikîrîria! Nîngûretera andû aya mûthiro, ûrî maciaro ma mîvango yao mîcûku. Nîûndû nîmaregete kûnthikîrîria, na makarega watho wakwa.

Jeremia 6:19 ပူးပေါင်းရင်းမြစ်များ

Nthi 15:26

Ngai-Mûnene nîathûrîte meciria ma andû arîa aganu, nwatî nîakenagua nî ciugo cia andû arîa atheru.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 19:3

Nîûkauga atîrî, ‘Mue athamaki a Juda na atûûri onthe a Jerusalemu ta thikîrîriani ûrîa Ngai-Mûnene, mwene vinya wonthe na Ngai wa Isiraeli arauga; nama nîngûrete mûthiro mûnene mûno vandû ava, nîguo mûndû ûrîa ûkegua ûvoro wake akamaka mûno.

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 22:29

We vûrûri, we vûrûri, we vûrûri! Tathikîrîria ûrîa Ngai-Mûnene arauga.

Jeremia 29:19

Ngaameka ûguo nîûndû nîmaaregire kûthikîrîria ndûmîrîri yakwa îrîa namatûmagîra maita meengî na njîra ya arathi ndungata ciakwa, na makîrega kûnthikîrîria. Ûguo nîguo nie Ngai-Mûnene nîrauga.’ ”

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Jeremia 4:16

Ûrera mavûrûri na ûkanîrîra Jerusalemu atî: “Atharîkîri maumîte vûrûrirî wa kûraca, makiugagîrîria ûrîa makûtharîkîra matûûra ma Juda.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 49:37

Nîngaatûma andû a Elamu metigîre nthû ciao, irîa ciendaga kûmaûraga. Nîngaûraga andû a Elamu nîrî na marakara meengî. Ngaamatûmîra athigari a mbaara mamaûrage mathire viû.

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Jeremia 6:18

Kwoguo, thikîrîriani mue mavûrûri, na mûmenye ûndû ûrîa gûgekîka kûrî andû akwa.

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Hosea 10:13

Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Gûco 32:1

“Tathikîrîriani ngîaria, mue îgûrû, thikîrîriani ûrîa nguuga mue nthî.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 15:26

Nake Samueli nîwerire Saûlo atîrî, “Nie ndigûcokania nawe, nîûndû nîûregete ûrîa Ngai-Mûnene akwathîte, nake nîakûregete ûrî ta mûthamaki wa Isiraeli.”