Jeremia 6:16 - ÎVUKU RÎA ÛVORO MWARO

¹⁶ Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Jeremia 6:16 ပူးပေါင်းရင်းမြစ်များ

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

2Maû 19:11

Amaria, Mûthînjîri-Ngai mûnene nîke ûkethagîrwa arûngamîrîrîte maûndû monthe megiî Ngai-Mûnene. Nake Zebadia mûvîcî wa Ishumaeli, mûnene wa Juda nîke ûkethagîrwa arî na îtua rîa mûthiia maûndûrî monthe ma vûrûri. Nao Alawi nîo makoonaga atî maûndû monthe nîmarathiî ûrîa kwagîrîrîte. Îîyûmîrîrieni na mûrûmîrîre maûndû mama, nake Ngai-Mûnene aroîthagîrwa na andû arîa agîrîru!”

Thaburi 116:7

Ngoro yakwa, gîa na thayû, nîûndû Ngai-Mûnene nîambîkîte maûndû maro.

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 28:12

Kûnarî ûguo, nîwerîrîte andû aya atîrî, “Ûyû nîguo ûvurûko; nîngûva arîa anogu ûvurûko. Ava nîvo varî ûvurûko,” nwatî nîmaaregire kûnthikîrîria.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Isaia 57:2

Arîa mathiîcaga na mîthiîre mîrûngîrîru maakua nîmakethîrwa na thayû.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 18:12

Nwatî o maugaga atî, ‘Tûtingîka ûguo! Nîtûthiî na mbere na mîvango yetû, na wa mûndû nî athiî na mbere gwîka maûndû macûku kûringana na ûûmû na waganu wa ngoro yake.’ ”

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 31:21

“Îkîra marûûri njîrarî ciaku, îrûthîre itugî cia gûkwonereria njîra, ririkana waro njîra îrîa nene, varavara îrîa wavîtûkîrîre. Cokani mûciî matûûrarî menyu.

Jeremia 42:3

Tûvoere nîguo Ngai-Mûnene Ngai wetû atwonie njîra îrîa arenda tûrûmîrîre na ûrîa arenda twîke.”

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Jeremia 7:3

Ngai-Mûnene mwene vinya wonthe, Ngai wa Isiraeli arauga atî mûrûngarie mîthiîre yenyu na ciîko cienyu, na nîngûmwîtîkîria mûthiî na mbere gûtûûra vûrûrirî ûyû.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Luka 16:29

“Nake Iburahimu nîwerire gîtonga kîu atîrî, ‘Aa mûrwanyûkwe marî na Musa na Arathi a kûmakania.’

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 13:17

Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Aroma 4:12

Iburahimu nwake îthe wa arîa onthe aruu. Ke tî îthe wao nîûndû atî nî aruu. Nî îthe wao nîûndû matûûrîte metîkîtie Ngai wata ûrîa îthe wetû Iburahimu atûûraga etîkîtie atarî ararua.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

Ahib 11:2

Nîûndû wa wîtîkio methe metû ma tene nîmagîre na ngumo mbaro kuuma kûrî Ngai.

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.