Jeremia 52:28 - ÎVUKU RÎA ÛVORO MWARO

²⁸ Ûyû nîguo mwîgana wa andû arîa Nebukadinezarû aatavire: Mwaka wa mûgwanja wa wathani wake aatavire Ayahudi ngiri îthatû na mîrongo îrî na athatû (3,023);

Jeremia 52:28 ပူးပေါင်းရင်းမြစ်များ

2Maû 36:20

Andû a Juda arîa maatigarire nîmaavirirwe îthamîriorî Babuloni na magîtuîka ndungata cia mûthamaki wa Babuloni na njiarwa ciake. Nîmaatûûrire kûu marî ngombo nginya rîrîa kwagîîre na ûthamaki wa Perisia.

Ezira 2:1

Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

Nehemia 7:6

Aya nîo andû arîa maacokire kuuma îthamîriorî vûrûrirî wa Babuloni. Wa mûndû aacokire îtûûrarî rîake rîa Jerusalemu na Juda. Njiarwa ciao ciatûûraga îthamîriorî kûrîa ciathamithîrîtue nî Nebukadinezarû mûthamaki wa Babuloni.

Jeremia 13:19

Matûûra monthe ma Negebu nîmarigicîrie, gûtirî mûndû ûngîtonya kuo. Andû onthe a Juda nîatave makavirwa îthamîriorî.”

Jeremia 52:29

mwaka wa îkûmi na înana wa wathani wake nîwatavire Ayahudi magana manana ma mîrongo îthatû na aîrî (832) kuuma Jerusalemu.

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Ezek 12:11

Meere we ûrî rûûri kûrî o, na ûguo weka nîguo mageekwa. Nîmakaanyitwa na mavirwe îthamîriorî.