Jeremia 52:15 - ÎVUKU RÎA ÛVORO MWARO

¹⁵ Nebuzaradani mûnene wa arangîri nîwatavire andû onthe arîa maatigarîte kûu îtûûrarî, athîni wana andû onthe arîa maûrîte makathiî mwena wa Babuloni vamwe na mafundi.

Jeremia 52:15 ပူးပေါင်းရင်းမြစ်များ

2Atha 25:11

Nebuzaradani nîwacokire akînyita andû onthe arîa maatigîtwe îtûûrarî vamwe na andû arîa maathiîte na makerekereria kûrî mûthamaki wa Babuloni na akîmavira îthamîriorî.

2Atha 25:8

Mûthenya wa mûgwanja mweri wa gatano, mwakarî wa îkûmi na kenda Nebukadinezarû arî mûthamaki wa Babuloni, Nebuzaradani, ndungata ya mûthamaki ûrîa warî mûnene wa athigari a mbaara a mûthamaki nîwathiîre Jerusalemu.

Jeremia 1:3

Ndûmîrîri îo nwa yamûkinyîre rîngî, Jehoiakimu mûvîcî wa Josia arî mûthamaki wa Juda. Jeremia nîwathiîre na mbere gûkinyîrwa nî ndûmîrîri îo nginya mûthiiarî wa mwaka wa îkûmi na ûmwe Zedekia mûvîcî wa Josia arî mûthamaki wa Juda, nginya mweri wa gatano wa mwaka ûrîa andû a Jerusalemu maavirirwe îthamîriorî.

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Ezek 12:11

Meere we ûrî rûûri kûrî o, na ûguo weka nîguo mageekwa. Nîmakaanyitwa na mavirwe îthamîriorî.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.