Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 51:6 - ÎVUKU RÎA ÛVORO MWARO

6 Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

အခန်းကိုကြည့်ပါ။ ကော်ပီ




Jeremia 51:6
29 ပူးပေါင်းရင်းမြစ်များ  

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!


Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.


Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”


Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.


Andû a Babuloni nîmagaatuîka ngombo cia mavûrûri mengî na athamaki engî. Nîngamaverithia kûringana na maûndû macûku marîa meekire.”


Nîmakaanyua, marîwe na matûgûgane nîûndû wa andû arîa ngaûraga gatagatîrî kao.”


Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.


Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.


Vinyûra! Ûvonokie mwoyo waku! Vinyûrani ta nyûmbû ya werûrî!


Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.


Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.


“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.


“Andû a Isiraeli, îthareni mume Babuloni! Umani vûrûrirî ûcio wa Akalidei, na mwîkare ta nthenge irî mbere ya mbûri.


Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.


Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.


“Andû akwa umani vakuvî nake! Wa mûndû athare mwoyo wake kuuma kûrî marakara manene ma Ngai-Mûnene.


Ngai-Mûnene arera andû ake arîa marî Babuloni atîrî, “Mue arîa mûtigarîte mûtarî aûrage thiîni, mûtigekare ava! Ririkanani Ngai-Mûnene wana ethîrwa mûrî vûrûrirî wa kûraca, na mûririkane îtûûra rîa Jerusalemu.


Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.


Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.


We Ngai-Mûnene maverithie, kûringana na ciîko ciao.


Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”


Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.


rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.


“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”


Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.


Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ