Jeremia 51:58 - ÎVUKU RÎA ÛVORO MWARO

⁵⁸ Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Jeremia 51:58 ပူးပေါင်းရင်းမြစ်များ

Thaburi 127:1

Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

Isaia 13:2

Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 51:30

Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Maca 5:5

Twîkîrîtwe îcoki ngingo na twavinyûrua mûno, tûrî anogu, na tûtingîtîkîrua tûvurûke.

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.