Jeremia 51:57 - ÎVUKU RÎA ÛVORO MWARO

⁵⁷ Nîngûtûma anene na andû arîa aûgî akuo marîwe nî njovi; wa vamwe na athani athigari a mbaara na atongoria ao, onthe makamama toro matagaûkîra tene na tene. Ûguo nîguo nie Mûthamaki ûrîa wîtagwa Ngai-Mûnene mwene vinya wonthe nauga.”

Jeremia 51:57 ပူးပေါင်းရင်းမြစ်များ

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 13:13

Nîûgacoka ûmeere atî, Ngai-Mûnene arauga nîagaatûma andû a vûrûri ûyû marîwe nî ndivei, athamaki onthe arîa maatuîkire athani vandûrî va Daudi, athînjîri-Ngai, arathi na atûûri onthe a Jerusalemu.

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 46:18

Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Jeremia 50:30

Kwoguo anake a îtûûra rîu makaûragîrwa ivaarorî ciarîo na athigari onthe a rîo nîmagacûkangua mûthenya ûcio. Ûguo nîguo nie Ngai-Mûnene nauga.

Jeremia 51:39

Wana marakarîte ûguo, nîngûmarûthîra kîrugo, nînîmava ndivei nginya marîwe na mamame, macoke mamame toro matagaûkîra rî kana rî.” Nînie Ngai-Mûnene nauga ûguo.

Ezek 20:33

Ngai-Mûnene arauga atîrî, “Wata ûrîa ndûûraga mwoyo, nîngaamwatha na vinya, na ûvoti wakwa wonthe nîrî na marakara.

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Nahumu 3:18

We mûthamaki wa Asîria, arîthi aku nîkwa mamamîte, andû aku arîa marî îgweta nîkwa nîmaragocerera. Andû aku manyaganîtie irîmarî, na gûtirî mûndû wa kûmacokanîrîria.

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Kûguû 18:9

Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.