Jeremia 51:55 - ÎVUKU RÎA ÛVORO MWARO

⁵⁵ Nîûndû nîracûkangia îtûûra rîa Babuloni viû, na nthirie mûgambo wake mûnene. Athigari a mbaara mararuruma ta makûmbî ma manjî meengî, na înegene rîa mûgambo wao nîrîrongerereka.

Jeremia 51:55 ပူးပေါင်းရင်းမြစ်များ

Thaburi 124:2

“Tiga nî Ngai-Mûnene warî mwena wetû rîrîa twatharîkîrwe nî nthû cietû,

Thaburi 124:4

nîtûngîatwarirwe nî mwîcûro wa manjî, nîtûngîakunîkirwe nî manjî,

Thaburi 18:4

Naathiûrûrûkîrîtue nî mîtego ya gîkuû mîena yonthe, naatharîkîrîtwe nî ivuvûkanio cia kûnjûkangia.

Thaburi 65:7

We nîûvoragîria marurumî ma îria, na înegene rîa makûmbî ma rîo; nîûvoragîria înegene rîa andû.

Thaburi 69:2

nînîravorokera ndakarî ndikîru, kûndû gûtarî na nthî nyûmû, nîrî manjîrî marikîru, na nîrî vakuvî kûûrîra makûmbîrî ma manjî.

Isaia 15:1

Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 47:5

Ngai-Mûnene arauga atîrî, “We mwarî wa Akalidei îkara ûkirîte kivi na ûthiî ndumarî, nîûndû ndûgaacoka gwîtwa mûndûmûka mûthamaki wa mavûrûri!

Jeremia 25:10

Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Jeremia 51:42

Îtûûra rîa Babuloni nîrîkunîkanie nî îria, nîrîkunîkanie nî makûmbî ma manjî maunjugûku.

Ezek 26:3

“Kwoguo rîu, nie Ngai-Mûnene Ngai mbugîte atî nîndeganîte nawe we Turo. Nîngaatûma ndûrîrî nyîngî ciûke ikûtharîkîre. Magaûka kûrî we ta makûmbî ma manjî ma îriarî.

Luka 21:25

“Nîgûkaagîa na marûûri riûarî, mwerirî na njatarî. Nakuo gûkû nthî, andû a mavûrûri monthe nîmagaata mwîvoko na metigîre marurumî ma îria na makûmbî ma manjî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.