Jeremia 51:33 - ÎVUKU RÎA ÛVORO MWARO

³³ Ngai-Mûnene mwene vinya wonthe, Ngai wa Isiraeli arauga atîrî, “Babuloni îrangîtwe îgekara ta îtîri rîa kûvûrîra ngano, vîndî îrîa rîravarîrîrua. Nwatî vuva wa kavinda kanini, îvinda rîake rîa gûkethwa nîrîgakinya.”

Jeremia 51:33 ပူးပေါင်းရင်းမြစ်များ

Isaia 18:5

Mbere ya thavibu ikethwa, kîrao gîatuîka na thavibu ciambîrîria gûtunîva, Ngai-Mûnene nîagaatinia matheûka na tûviû twa gûcaa, na nîagaacaa mvûa irîa iratamba.

Isaia 21:10

Mue Isiraeli andû akwa, mûrî avûûre na mûkagûrûkua ta ngano. Nîramwîra maûndû marîa mbîguîte, kuuma kûrî Ngai-Mûnene mwene vinya wonthe, Ngai wa Isiraeli.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Jeremia 51:32

Mariûko nîmagwate, nyomba cia kwîgitîra nî mvîvie na mwaki, nao athigari makanyitwa nî kîmako.”

Hosea 6:11

Wana mue andû a Juda, kavinda nîkathuure rîrîa mûkaverithua ûrî ta mûcara wenyu.

Joeli 3:13

Ocani kaviû ga gûketha nîûndû rîu nî vîndî ya maketha. Tonyani! Mûmakinyange ta thavibu ciîcûrîte kîvivîrorî Kîam thavibu. Mavîtia mao nîmakîru njano, nîta matangi mecûrîte makauna.”

Amosi 1:3

Ngai-Mûnene arauga atîrî, Andû a Damesiki nîmevîtie rîngî wana rîngî, kwoguo ndigatiga kûmaverithia. Nîmeekire andû a Gileadi ûndû mûcûku mûno, ta ngano ikîthîwa na gîkaari gîa cuuma.

Mika 4:12

Nwatî maticî meciria ma Ngai-Mûnene, kana mataûkîrwa nî mûvango wake. Matiramenya amacokanîrîrîtie vamwe ta ikûmbwa cia ngano îtîrirî.

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Habakuku 3:12

Wavîtûkîrîre nthî ûrî na marakara, wakinyangire mavûrûri ûrî na marûrû.

Mathaayo 13:30

Tigani ngano na ria ikûranîrie vamwe nginya vîndî ya maketha. Vîndî îo nie nîngera akethi mambe makûûre ria, marîove ikûmbwa ikûmbwa na marîvîvie, na macoke makethe ngano maciige îkûmbîrî rîakwa.’ ”

Mathaayo 13:39

Nayo nthû îrîa yavandire ria nî Ngoma. Vîndî ya maketha nayo nî îthirîro rîa nthî; nao akethi nî araika.