Jeremia 51:30 - ÎVUKU RÎA ÛVORO MWARO

³⁰ Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Jeremia 51:30 ပူးပေါင်းရင်းမြစ်များ

Thaburi 107:16

Ke nîaunangaga mîrango ya gîcango, na agatemanga mîkîgo ya cuuma.

Thaburi 147:13

Nîekagîra ivingo cia mîrango yaku vinya, na nîarathimaga andû aku.

Thaburi 76:5

Arîa marî vinya nîmaacunirwe indo ciao irîa maatavîte, na rîu onthe mamamîte toro wa gîkuû, vinya wao na wara wao warî wa mana.

Isaia 19:16

Mûthenya ûcio andû a Misiri nîmakegua guoya ta aka, mainaine nî guoya rîrîa makoona Ngai-Mûnene mwene vinya wonthe aûkîrîrîtie njara yake nîguo amaverithie.

Isaia 47:14

“Taroria andû acio magekara ta rûûa, na nîmakaavîvua na mwaki! Matikaavota kwîvonokia, kuuma rûrîrîmbîrî rwa mwaki. Mwaki ûcio ndûkavaana ta makara ma gwota, wana kana mwaki wa gwotwa.

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 51:32

Mariûko nîmagwate, nyomba cia kwîgitîra nî mvîvie na mwaki, nao athigari makanyitwa nî kîmako.”

Jeremia 51:57

Nîngûtûma anene na andû arîa aûgî akuo marîwe nî njovi; wa vamwe na athani athigari a mbaara na atongoria ao, onthe makamama toro matagaûkîra tene na tene. Ûguo nîguo nie Mûthamaki ûrîa wîtagwa Ngai-Mûnene mwene vinya wonthe nauga.”

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Amosi 1:5

Nîngaaunanga ivingo cia îtûûra rîa Damesiki, na njûkangie arîa matûûraga Kîamndarî Kîam Aveni, na ûrîa wathanaga Bethedeni; na andû a Sîria nîmakaathiî îthamîriorî. Ûguo nîguo Ngai-Mûnene arauga.

Nahumu 3:13

Taroria athigari aku, marî guoya ta aka, naguo vûrûri waku wîkarîte ûtarî na ûgitîri mbere ya nthû ciaku. Mwaki nîûvîvîtie ûgitîri wenyu viû.

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”