Jeremia 51:25 - ÎVUKU RÎA ÛVORO MWARO

²⁵ Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:25 ပူးပေါင်းရင်းမြစ်များ

Kîam 11:4

Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Isaia 13:2

Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:31

“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Jeremia 51:7

Babuloni yekariî ta gîkombe Kîam thaavu, kîrî njararî cia Ngai-Mûnene, gîatûmaga nthî yonthe îrîwe; mavûrûri maanyunyaga ndivei kuuma kûrî kîo makauma ngoma.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

Kûguû 8:8

Nake mûraika wa kaîrî nîwavuvire karumbeta gake. Nakîo kîndû kîonekaga gîkariî ta kîrîma kînene Kîamvîcaga nî mwaki, nîgîaikirue îriarî. Nakîo gîcunjî kîmwe Kîam ithatû Kîam îria nîgîatuîkire nthakame.