Jeremia 51:11 - ÎVUKU RÎA ÛVORO MWARO

¹¹ Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 51:11 ပူးပေါင်းရင်းမြစ်များ

1Atha 11:14

Ngai-Mûnene nîwatûmire Solomoni agîe na nthû. Nthû îo yetagwa Hadadi na aarî wa mûvîrîga wa mûthamaki wa Edomu.

1Atha 11:23

Ngai nîwacokire agîtûma Solomoni agîe na nthû. Nthû îo yetagwa Rezoni, mûvîcî wa Eliada. Rezoni aaûrîte kuuma kwî mwathi wake Hadadezeri, ûrîa warî mûthamaki wa Zoba.

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Isaia 10:26

Nie, Ngai-Mûnene mwene vinya wonthe, nîngaamariva na kîvoko ta ûrîa narivire andû a Midiani marî îthigarî rîa Orebu. Ngaamaverithia wata ûrîa naverithirie andû a Misiri.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 21:5

Îruga rînene nîrîavarîrîrue, metha igatandîkwa, na andû makîrîa na makînyua. Wa rîmwe mûgambo nîwaugire atîrî, “Ûkîrani mue athamaki! Varîrîriani ngo cienyu!”

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Jeremia 25:25

athamaki onthe a Zimuri, athamaki onthe a Elamu na athamaki onthe a Media;

Jeremia 46:3

“Varîriani ngo nene na nini, mûthiî mûkarûe mbaara.

Jeremia 46:4

Ovani mbarathi mîkwa na mûciîkarîre, norani matumû menyu! Îkîrani ngovia cia cuuma cia kûgitîra kîongo na mwîvarîrie! Mûndû nîekîre indo ciake cia mbaara cia kwîgitîra!

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:3

“Nîûndû vûrûri kuuma mwena wa rûgûrû nîûkîte kûtharîkîra vûrûri wa Babuloni, na ûûtue maganjo. Gûtirî mûndû ûgaûtûûra, andû nîmakaaûra wana nyamû ciume kuo.”

Jeremia 50:45

Kwoguo tathikîrîriani mûvango ûrîa nie Ngai-Mûnene nîrî naguo îgûrû rîgiî Babuloni, na maûndû marîa mvangîte gwîka andû a kuo. Nama ciana ciao nîigaakururua ithiîwe nacio, na andû onthe nîmakaamaka.

Jeremia 50:9

Nîngûthagathaga mavûrûri manene kuuma mwena wa rûgûrû nîguo matharîkîre Babuloni. Nîmaûka mavange ûrîa makûtharîkîra Babuloni na mamîtave. Mîguî yao nî ta ya athigari njamba arîa matavîtagia.

Jeremia 51:12

Vecanani kîmenyithia Kîam mbaara, nthingo cia Babuloni itharîkîrwe. Ongererani athigari a kûrîrangîra, vangani arangîri, athigari a kûtharîkîra nîmethithe. Ngai-Mûnene nîavangîte na ageka ûrîa aaugire wîgiî atûûri a Babuloni.

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Jeremia 51:35

Andû a Jerusalemu nîmauge atîrî, “Babuloni îrocokererwa nî maûndû monthe macûku marîa twîkîtwe! Atûûri a Jerusalemu nîmauge atîrî, “Nthakame yakwa îrocokerera atûûri a Babuloni.”

Jeremia 51:36

Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Joeli 3:10

Turani tûviû twa mîraû yenyu mviû cia njûra, natuo tûviû twenyu twa gûcaa mûtûture matumû, arîa matarî na vinya nîmauge atîrî, ‘Wananie nî njamba ya kûrûa.’

Joeli 3:9

“Anîrîra ûndû ûyû kûrî mavûrûri monthe: îîvarîrieni nîûndû wa mbaara; îtani athigari enyu. Ûnganiani athigari enyu na mathiî na mbere.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Zakaria 14:12

Ngai-Mûnene nîagaatûma ndûrîrî irîa ciarûire na Jerusalemu igwatwe nî mûrimû mûcûku. Mîîrî yao nîîkora, na metho mao na nîmî ciao ciore marî mwoyo.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.