Jeremia 50:7 - ÎVUKU RÎA ÛVORO MWARO

⁷ Arîa onthe macemanagia nao, nî mamatharîkagîra. Nthû ciao ciugaga atî, ‘Tûtirî na mavîtia. O nîkwa mevîrîtie Ngai-Mûnene, ûrîa arî ke ûtûûro wao na methe mao maatwîre mevokete.’

Jeremia 50:7 ပူးပေါင်းရင်းမြစ်များ

Thaburi 71:5

Nîûndû we Ngai-Mûnene, nîwe kîîrîgîrîro gîakwa; kîîrîgîrîro gîakwa kuuma nîrî mûnini.

Thaburi 79:7

Nîûndû nîmaûragîte Jakovu, andû aku; na nîmacûkangîtie vûrûri waku viû.

Thaburi 90:1

We Mwathani, kuuma njiarwa na njiarwa wîthîrîtwe ûrî kûndû gwetû gwa kwîthitha.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Isaia 56:9

Mue nyamû cionthe cia kîthaka, mue nyamû cionthe cia mûtitû, ûkani mûcûkangie andû akwa.

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 14:8

We nîwe mwîvoko wa Isiraeli, nîwe ûmavonokagia rîrîa marî thînarî, nîndûî gîtûmîte wîkare ta mûgeni vûrûrirî wetû, ta mûvîtûki ûrîa ûraragîrîra ûtukû ûmwe?

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Jeremia 50:14

“Mue arîa mûrûaga na mîguî, rigicîriani îtûûra rîa Babuloni mûrûe narîo; rîratheni na mûtigatigarie mûguî wanarî ûmwe nîûndû nîrîvîtîtie mbere ya Ngai-Mûnene.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 50:33

Ngai-Mûnene mwene vinya wonthe arauga atîrî, “Andû a Isiraeli wana andû a Juda nîmaranyarirwa. Arîa maamatavire mamanyinyîtie na nîmaregete kûmarekereria mathiî.

Ezek 34:5

Kwoguo ng'ondu nîcianyaganirie nîûndû itiarî na mûrîthi. Nacio nyamû cia kîthaka nîciaûragire ng'ondu icio na ikîirîa.

Ezek 35:12

Namue nîmûkaamenya atî nie, Ngai-Mûnene nîmbîguîte irumi cionthe irîa mwarîtie ciîgiî irîma cia Isiraeli. Mwairumire mûkiugaga atî, irîma cia Isiraeli ituîkîte werû na nîmûvetwe cio mûciîgwatîre.

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Zakaria 1:15

Nîrîmûrakaru mûno nî mavûrûri marîa marî na thayû, nîûndû rîrîa narakarîrîte andû akwa vanini, mavûrûri mau maathiîre na mbere kûmanyamaria makîria.

Zakaria 11:5

Arîa maigûrîte maithînjaga na mativerithagua, na rîrîa megûciendia maugaga atî, ‘Ngai-Mûnene arogoocwa, nînatonga,’ na arîthi a cio o ene maticiîgucagîra ntha.”

1Tim 1:1

Nie Paûlo mûtûmwa wa Jesû Kristû na mvetwe wathani nî Ngai Mûvonokia wetû, na Jesû Kristû ûrîa twîrîgîrîrîte,