Jeremia 50:46 - ÎVUKU RÎA ÛVORO MWARO

⁴⁶ Rîrîa Babuloni îgatavwa, nthî yonthe nîîkathingitha na kîrîro gîake nîgîkeguwa nî mavûrûri marîa mengî.”

Jeremia 50:46 ပူးပေါင်းရင်းမြစ်များ

Isaia 15:5

Ngoro yakwa nîîrarîrîra Moabu! Andû a kuo maûrîte makathiî Zoari, na Egilathi-shelishiya. Maunûkîtie na njîra îrîa îthiîte Luhithi makîrîraga; marî njîrarî mathiîte Horonaimu, nîmarauga mbu nî ûrîa macûkangîtue.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 46:12

Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 49:21

Rîrîa vûrûri wa Edomu ûkaang'aûranua, nthî nîkainaina; na mûgambo wa kîrîro Kîamo nîûkeguîka nginya îria îtune.

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Jeremia 51:54

Ngai-Mûnene arauga atîrî, “Tathikîrîriani kîrîro kuuma Babuloni, kuuma vûrûrirî wa Akalidei!

Ezek 26:18

Rîu mavûrûri marîa marî rûtere rwa îria nîmaratetema, maratetema nîûndû wa kûgwa gwaku. Andû arîa matûûraga icîgîrîrarî cia îria, nîmamakîtue nî kûthira gwaku.”

Ezek 27:28

Rîrîa kîrîro gîa atwarithia aku a meri gîkeguîka, nthî nyûmû rûtere rwa îria nîkainaina.

Ezek 31:16

Rîrîa ngaaikia mûtî ûcio kwa arîa akuû, mûrurumo waguo ûkîgwa vamwe na arîa makaathiî îrimarî rîrîa rîtarî mûthiia, nîûgaatûma mavûrûri mainaine. Mîtî yonthe ya Edeni, na mîtî îrîa mîaro mûno na îtagîrîrua manjî ya mûtitû wa Lebanoni nîgaakena nîûndû wa kûgwa kwa mûtî ûcio wa mûtarakwe.

Ezek 32:10

Andû eengî nîmakaamaka nîwe megua ûvoro ûcio, na athamaki ao mainaine nîûndû waku. Vîndî îrîa ngaatambûrûkia rûviû rwakwa, wa mûndû nîakeguîra ûtûûro wake guoya na agekara agîtetemaga.”