Jeremia 50:42 - ÎVUKU RÎA ÛVORO MWARO

⁴² Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 50:42 ပူးပေါင်းရင်းမြစ်များ

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 74:20

Ririkana kîrîkanîro kîrîa warûthire natue. Andû aganu marî kûndû kuonthe kûrîa kûrî na nduma gûkû nthî.

Isaia 14:6

ûrîa maarivaga andû naguo marî na marakara matagûtigithîria, na kûmatha makîmanyariraga matarî na ntha.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Jeremia 30:14

Anyanya aku onthe nîmariganîrîtwe nîmue; matitindanagîrîra namue. Nîmûtharîkîrîte ta ûrîa mûndû atharîkagîra nthû, nîmûverithîtie ndakûmwîguîra ntha. Nîûndû mavîtia menyu nî manene, na mevia menyu nî meengî.

Jeremia 47:3

rîrîa makegua înegene rîa mavûngû ma mbarathi, înegene rîa ikaari cia mbaara, na mûrurumo wa magûrû ma cio. Methe nîmakaariganîrwa nî ciana ciao, njara ciao ikethîrwa iregerete mûno.

Jeremia 50:14

“Mue arîa mûrûaga na mîguî, rigicîriani îtûûra rîa Babuloni mûrûe narîo; rîratheni na mûtigatigarie mûguî wanarî ûmwe nîûndû nîrîvîtîtie mbere ya Ngai-Mûnene.

Jeremia 50:9

Nîngûthagathaga mavûrûri manene kuuma mwena wa rûgûrû nîguo matharîkîre Babuloni. Nîmaûka mavange ûrîa makûtharîkîra Babuloni na mamîtave. Mîguî yao nî ta ya athigari njamba arîa matavîtagia.

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Ezek 26:3

“Kwoguo rîu, nie Ngai-Mûnene Ngai mbugîte atî nîndeganîte nawe we Turo. Nîngaatûma ndûrîrî nyîngî ciûke ikûtharîkîre. Magaûka kûrî we ta makûmbî ma manjî ma îriarî.

Joeli 2:5

Mararûgarûga marî îgûrû rîa kîrîma, mararûgarûga ta ikaari cia mbarathi; mararuruma ta mwaki wa macaki mama maûmû rîerarî. Mevangîte ta gîkundi kînene Kîam athigari kîîvarîrîtie kûrûa.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”