Jeremia 50:26 - ÎVUKU RÎA ÛVORO MWARO

²⁶ Ûkani mûûtharîkîre na mîena yonthe; vingûrani makûmbî maguo; mwiganîrîreni vamwe ta irûndo cia ngano na ûmûcûkangie viû; mûtigatigarie wanarî kûndû.

Jeremia 50:26 ပူးပေါင်းရင်းမြစ်များ

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 45:3

Nîngaakûva indo cia vata irîa cigîtwe ndumarî; na ûtonga ûrîa ûrî kûndû gûtaicîkene, nîguo ûmenye atî nie nînie Ngai-Mûnene, Ngai wa Isiraeli ûrîa ûgwîtîte akîgwetaga rîîtwa rîaku.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Jeremia 50:10

Vûrûri wa Akalidei nîûgatavwa na arîa magaûtava nîmagooca wa kîrîa kîonthe makenda. Nie Ngai-Mûnene nînie nauga ûguo.”

Jeremia 50:13

Nîûndû wa ûrîa nie Ngai-Mûnene ndakarîte, gûtirî mûndû wanarî ûmwe ûgatûûraga Babuloni; îtûûra rîu nîrîcûkangua viû. Arîa onthe makavîtûkagîra vakuvî narîo nîmakaamaka, makamaka makiugaga, we! we! we! Nî ûrîa rîcûngangîtue.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 50:23

Babuloni yekariî ta njokoma ya kûriva mavûrûri monthe ma nthî, nwatî rîu ndîrî na vinya nîûndû nîmunange! Mavûrûri monthe nîmamaku, nî ûrîa vûrûri ûcio wîkîtwe.

Jeremia 50:41

“Taroria andû maraûka maumîte mwena wa rûgûrû, rûrîrî rûrî na vinya na athamaki eengî, nîmarevarîria marî wa kûraca.

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Mathaayo 6:26

Ta roriani iconi: itivandaga mbeû iketha, na itigaga irio makûmbîrî, nwatî Îthe wenyu ûrîa wî îgûrû, nîke ûimenyagîrîra. Na kinthî mue mûtirî vata mûno gûkîra iconi?

Kûguû 14:19

Kwoguo mûraika nîwaikirie kaviû gake ga gûketha nthî, na nîwatemire thavibu kuuma kûrî mîthavibu. Nîwaikirie thavibu icio kîvivîrorî Kîam thavibu Kîam marakara ma Ngai.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.