Jeremia 50:25 - ÎVUKU RÎA ÛVORO MWARO

²⁵ Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:25 ပူးပေါင်းရင်းမြစ်များ

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Thaburi 45:5

Mîguî yaku nî mîûgî, nîîtonyaga ngoro cia nthû ciaku; nacio ndûrîrî nîigûcaga rungu rwa magûrû maku.

Isaia 13:15

Mûndû wa wonthe ûkoonwa nîakaamundwa na rûviû, na mûndû wa wonthe ûkaanyitwa nîakaaûragwa.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 51:20

Ngai-Mûnene arauga atîrî, “We Babuloni nîwe nyondo na indo ciakwa cia mbaara, nîwe ndûmagîra kwananga mothamaki.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:55

Nîûndû nîracûkangia îtûûra rîa Babuloni viû, na nthirie mûgambo wake mûnene. Athigari a mbaara mararuruma ta makûmbî ma manjî meengî, na înegene rîa mûgambo wao nîrîrongerereka.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”