Jeremia 50:18 - ÎVUKU RÎA ÛVORO MWARO

¹⁸ Nîûndû wa ûguo nie Ngai-Mûnene mwene vinya wonthe Ngai wa Isiraeli, nîngûverithia mûthamaki Nebukadinezarû na vûrûri wake, wata ûrîa naaverithirie mûthamaki wa Asîria.

Jeremia 50:18 ပူးပေါင်းရင်းမြစ်များ

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Nahumu 3:18

We mûthamaki wa Asîria, arîthi aku nîkwa mamamîte, andû aku arîa marî îgweta nîkwa nîmaragocerera. Andû aku manyaganîtie irîmarî, na gûtirî mûndû wa kûmacokanîrîria.

Nahumu 3:7

Andû onthe arîa magakûonaga makaûraga nîwe makiugaga atîrî, ‘Nineve nî njûkangie! Nîûrîkû ûkûmûcakaîra? Nû ûkûmwîguîra ntha?’

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.