Jeremia 50:15 - ÎVUKU RÎA ÛVORO MWARO

¹⁵ Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 50:15 ပူးပေါင်းရင်းမြစ်များ

1Maû 29:24

Anene onthe, andû arîa maarî vinya na andû onthe a mûthamaki Daudi nîmeranîre atî makaathîkagîra mûthamaki Solomoni.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

Thaburi 149:7

Nîguo merîvîrîrie kûrî andû a mavûrûri, na maverithie andû arîa mataicî Ngai.

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Isaia 59:17

Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.

Isaia 59:18

Akaaverithia nthû ciake kûringana na ciîko ciao, akaaverithia nthû ciake na marakara, wana irîa irî mavûrûrirî ma kûraca.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 50:14

“Mue arîa mûrûaga na mîguî, rigicîriani îtûûra rîa Babuloni mûrûe narîo; rîratheni na mûtigatigarie mûguî wanarî ûmwe nîûndû nîrîvîtîtie mbere ya Ngai-Mûnene.

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 51:14

Ngai-Mûnene mwene vinya wonthe nîevîtîte ke mwene akauga atîrî, “Nama nîngûrete athigari eengî ta ngige makûtharîkîre, na nîmakaugîrîria na vinya nîûndû wa ûrîa mavootanîte.”

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:30

Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Jeremia 51:36

Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Maca 5:6

Twathiîre Misiri kûvoya irio, na tûkîthiî Sîria nîguo tûgîe na irio cia kwîgana.

Ezek 17:18

Ke ndakaavonoka nîûndû nîwanyararire mwîvîtwa ûrîa eevîtire na akiuna kîrîkanîro kîrîa maarîkanîre na akîandîka agîkîra ûira.”

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Aroma 3:5

Nîtuga atîa ethîrwa waganu wetû nîguo ûtethagîrîria kwonania kîvooto Kîam Ngai, nwa tuge atî Ngai nî mûvîtiu vîndî îrîa agûtûverithia? (Ava nîraria tu ûrîa andû a nthî maragia).

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Josh 6:20

Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Josh 6:5

Athînjîri-Ngai nîmakaavuva tûrumbeta twao na mûgambo mûnene. Rîrîa mûkaawîgua andû onthe nîmakaaugîrîria na mûgambo mûnene. Nacio nthingo cia îtûûra rîa Jeriko nîikomomoka na andû nîmagaatonya îtûûrarî kuuma mîena yonthe.”

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.