Jeremia 50:14 - ÎVUKU RÎA ÛVORO MWARO

¹⁴ “Mue arîa mûrûaga na mîguî, rigicîriani îtûûra rîa Babuloni mûrûe narîo; rîratheni na mûtigatigarie mûguî wanarî ûmwe nîûndû nîrîvîtîtie mbere ya Ngai-Mûnene.

Jeremia 50:14 ပူးပေါင်းရင်းမြစ်များ

2Sam 10:9

Vîndî îrîa Joabu oonire atî athigari a nthû ciake nîmakûvûrana nake maumîte mwena wa mbere na wa vuva, nîwathuurire athigari arîa maarî njamba a Isiraeli na akîmaiga meerekanîrîte na andû a Sîria.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Isaia 13:4

Tathikîrîriani înegene rîrîa rîrî irîmarî îgûrû, nîta rîa andû eengî mûno! Tathikîrîriani înegene rîa mothamaki na mavûrûri magomanîte vamwe. Ngai-Mûnene mwene vinya wonthe nîaravarîrîria athigari ake a mbaara.

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Jeremia 49:14

Nînyitîte ndûmîrîri kuuma kûrî Ngai-Mûnene. Mûnjaama nîmûtûme anîrîre kûrî mavûrûri atîrî, “Gomanani vamwe na mûregane na Edomu, thiîni mûkaûtharîkîre.

Jeremia 49:35

Augire atîrî, “Taroria, nîngunanga mota ma andû a vûrûri wa Elamu arîa maicî kûratha na mîguî, acio matûmîte vûrûri ûcio ûgîe na vinya mûno.

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Jeremia 50:29

Îrani andû arîa marûaga na mîguî makatharîkîre Babuloni. Rigicîriani îtûûra rîu na mûtikareke mûndû wana ûmwe ethare. Rîverithieni kûringana na ciîko ciarîo, mûrîke wata ûrîa rîkîte mavûrûri marîa mengî, nîûndû rîthîrîtwe rîkînyarararithie Ngai-Mûnene Ûrîa Mûtheru wa Isiraeli na mwîtîîo warîo.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 50:7

Arîa onthe macemanagia nao, nî mamatharîkagîra. Nthû ciao ciugaga atî, ‘Tûtirî na mavîtia. O nîkwa mevîrîtie Ngai-Mûnene, ûrîa arî ke ûtûûro wao na methe mao maatwîre mevokete.’

Jeremia 50:9

Nîngûthagathaga mavûrûri manene kuuma mwena wa rûgûrû nîguo matharîkîre Babuloni. Nîmaûka mavange ûrîa makûtharîkîra Babuloni na mamîtave. Mîguî yao nî ta ya athigari njamba arîa matavîtagia.

Jeremia 51:2

Nîngûtûma ageni magacûkangie Babulonia, ta ûrîa rûkûngi rûmbûraga macaki. Rîrîa kavinda ga gûûcûkangia gagaakinya, makaûtharîkîra na mîena yonthe maûtige ûtarî kîndû.

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Jeremia 51:3

“Mûtikareke athigari a Babuloni matunga mota mao, kana mekîra nguo ciao cia mbaara. Mûtigacaîre anake a kuo, cûkangiani athigari onthe a mbaara a guo!

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

1Sam 17:20

Daudi nîwaûkîrire kîraûko tene mûthenya ûcio wîngî, agîtigîra ng'ondu mûndû wîngî wa kûirîthia, agîoca irio na akîthiî wata ûrîa Jesii aamwathîte. Daudi aakinyire kûrîa maambîte magema vîndî îrîa Aisiraeli maarî vakuvî kumagara mathiîte mbaararî makiugagîrîria nîûndû wa mbaara.