Jeremia 50:12 - ÎVUKU RÎA ÛVORO MWARO

¹² Îtûûra rîenyu rîrîa rînene nîrîgaconorithua na rîagithue gîtîîo. Vûrûri wa Babuloni ûgatuîka wa mûthiia gatagatî ka mavûrûri; ûgaatuîka werû kûndû kûmû na gûtarî andû.

Jeremia 50:12 ပူးပေါင်းရင်းမြစ်များ

Isaia 14:22

Ngai-Mûnene mwene vinya wonthe arauga atîrî, “Nîngaacûkangia îtûûra rîa Babuloni na nîrîthirie viû. Nîngaacûkangia indo cionthe, ciana na mûndû wa wonthe ûtigarîte arî mwoyo. Nie Ngai-Mûnene, nînie nauga ûguo.

Isaia 23:13

Akalidei nîo maarekererie nyamû cia kîthaka itharîkîre îtûûra rîa Turo nwatî tî Asîria. Akalidei maatumire nyomba ndaca na îgûrû ithiûrûrûkîrîtie îtûûra rîu, makîomomora nyomba cia kuo na magîtiga îtûûra rîu rîrî îganjo.

Jeremia 12:14

Ngai-Mûnene arera andû arîa aganu arîa mariganîtie na vûrûri ûrîa Ngai-Mûnene aaveere andû a Isiraeli ûrî îgai rîao atîrî, “Nama nîngûkûûra andû akwa maume vûrûrirî wao, na ngûûre vûrûri wa Juda ume gatagatî kao.

Jeremia 15:9

Mûndûmûka ûrîa warî na îgweta rîa kwîthîrwa na twana mûgwanja, rîu nîtûrathirire tuonthe wa rîmwe, nî araikirie nthari, riûa rîake rîrathûire kûrî mûthenya. Nîatuîkîte wa gûconorithua na kûnyararwa, nao arîa maatigarire matarî akuû, nîngamatiganîria maûragwe nî nthû ciao. Ûguo nîguo nie Ngai-Mûnene nîrauga.”

Jeremia 22:6

Nîûndû ûvoro wîgiî nyomba ya mûthamaki wa Juda Ngai-Mûnene arauga atîrî, “We wîkariî ta vûrûri wa Gileadi kûrî nie, na ta tûthûrûmûndû twa Lebanoni; nwatî nama nîngatûma ûtuîke werû, îtûûra rîtatûûragwa nî andû.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:26

na athamaki onthe a mwena wa rûgûrû, a kûraca na a gûkuvî marûmanîrîrîte vamwe, na mothamaki monthe ma nthî nîmaanyuîrîre gîkomberî kîu. Mûthiiarî, mûthamaki wa Babuloni nîagaakînyuîra.

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Jeremia 51:43

Matûûra ma Babuloni matuîkîte kîmako, vûrûri mûmagaru na werû, kûndû gûtatûûragwa nî andû, na kûndû gûtavîtûkagîrîrwa nî andû.

Jeremia 51:47

Kwoguo îvinda nîrîgûkinya, rîrîa ngananga mîvuanano ya Babuloni, vûrûri wa Babuloni wonthe ûconorithue, nao andû onthe a Babuloni maûragîrwe vûrûrirî wao.

Agal 4:26

Nwatî Jerusalemu îrîa îrî îgûrû ndîrî ûkomborî na nî ta yo ng'ina wetû.

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”