Jeremia 5:31 - ÎVUKU RÎA ÛVORO MWARO

³¹ arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 5:31 ပူးပေါင်းရင်းမြစ်များ

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

Nthi 17:4

Andû arîa acûku mathikagîrîria maûndû marîa macûku, nao arîa maveenanagia mathikagîrîria maûndû ma maveeni.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 43:27

Îthe waku wa mbere nîwevirie; nao arîa maakwaragîrîria nîmaareganire nanie.

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 26:7

Athînjîri-Ngai, arathi na andû onthe nîmegwire Jeremia akîaria maûndû mama monthe arî hekarûrî ya Ngai-Mûnene.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Maca 4:18

Nthû cietû ciekarire itwîthithîrîte, tûtingîavotire kûthiîrîra njîrarî cietû, mîthenya yetû yarî mîtare, mûthiia wetû warî mûkinyu.

Ezek 13:10

“Arathi acio nîmavîtithîtie andû akwa makîmeeraga atî kûrî na thayû wa rîrîa gûtarî thayû. Andû akwa matumîte rûthingo na mathiga matarî manyitanu nao arathi makarûvaka rangi ûyû mûcerû.

Ezek 13:6

Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Ezek 22:14

Vîndî îrîa ngaambîrîria gûkûverithia nîûkaagîa na ûmîrîru, kana njara ciaku igîe na vinya? Nie Ngai-Mûnene nînie mbarîtie na nwanginya mbîke ûrîa mbugîte.

Hosea 4:9

Nwatî kîrîa andû makanyita nwa kîo athînjîri-Ngai makaanyita, nîngamaverithia nîûndû wa njîra ciao. Ngamaverithia nîûndû wa maûndû marîa o ene mekîte.

Hosea 6:10

Nîmonete ûndû mûcûku mûno gatagatî ka andû a Isiraeli; andû a Efiraimu mavinyûraga gûtungatîra ngai wîngî, nama, andû a Isiraeli nîmegwatîtie mûgiro.

Hosea 9:5

Mûgeeka atîa mûthenya ûrîa mûtuîte wa kîrugo, na mîthenya ya kîrugo Kîam Ngai-Mûnene?

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mika 2:6

Maugaga atîrî, “Ndûgatûvunjîrie, ndwagîrîrwe nî gûtûvunjîria maûndû mama; nîûndû Ngai ndangîtûconorithia.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.