Jeremia 5:3 - ÎVUKU RÎA ÛVORO MWARO

³ We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 5:3 ပူးပေါင်းရင်းမြစ်များ

Kîam 19:34

Mûthenya ûcio wîngî mwîrîtu ûcio mûkûrû nîwerire ûrîa mûnini atîrî, “Vwaî nînie nîramenyanire kîîmwîrî na vava. Tiga tûmûve ndivei rîngî ûmûnthî nîguo arîwa nawe ûmenyane nake kîîmwîrî, na tuoîrî nîtûkûgîa ciana na vava.”

1Atha 13:33

Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

2Atha 1:13

Wa rîngî mûthamaki nîwatûmire mûnene wa kathatû wa athigari mîrongo îtano na athigari ake. Mûnene ûcio nîwaunûkirie kîrîmarî akîthiî kûrî Elija, agîturia maru mbere yake na akîmûthaitha akîmwîra atîrî, “Mûndû wa Ngai, nakûthaitha ûmbîguîre ntha vamwe na athigari akwa na ndûgatûûrage!

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 51:8

Mbîcûria gîkeno na ûnjanjamûre; na wana ethîrwa nî ûnthirîtie vinya, nî ngwîcûrwa nî gîkeno rîngî.

Thaburi 55:20

Mûnyanyawa nîatharîkîrîte arata ake; nîaunîte kîrîkanîro gîake nao.

Nthi 21:29

Mûndû mwaganu onanagia ûrîa aicî maûndû, nwatî mûndû mûthingu ekaga ûndû ambîte gwîciiria.

Nthi 22:12

Ngai-Mûnene nîamenyagîrîra andû arîa marî ûmenyo, nwatî ndathikagîrîria arîa matarî evokeku.

Nthi 23:35

Nîûkaauga atîrî, “Nîmaraningire, nwatî ndinagurara, nîmarandivire, nwatî ndinamenya. Ngaaûkîra rî? Nîngûthiî gûcaria ndivei îngî.”

Nthi 27:22

Wana ûgakima kîrimû na ndîrî ta mbembe, ndûngîruta ûrimû ndaarî yakîo.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Jeremia 15:7

Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Jeremia 35:13

“Ngai-Mûnene mwene vinya wonthe, Ngai wa Isiraeli arauga atî: Thiî ûkeere andû a Juda na a Jerusalemu atî: Anga mue mûtingîvota kwamûkîra kîrîra gîakwa na kûthikîrîria ciugo ciakwa?

Jeremia 44:10

Nginya ûmûnthî mûtianenyivia kana mwîndigîra wana mûrûmîrîra watho wakwa na maathani makwa marîa namûveere na ngîva methe menyu.”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Ezek 2:4

Andû acio nî aremi na nî aûmû ngoro. Kwoguo nîngûgûtûma ûthiî ûkamere ûrîa nie Ngai-Mûnene ngûmera.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Alawi 26:23

“Na ethîrwa vuva wa îvera rîîrî nwa mûkaathiî mbere na kûregana nanie na mûrege kûmbathîkîra,

Amosi 4:10

Nînamûretithîrie mûthiro ta ûrîa naretere andû a Misiri, nînaûragire anake enyu a mbaara na ngîoca mbarathi cienyu. Nînatûmire kûrîa mwambîte magema kûgîe na mûnungo wa ciimba, nwatî kûnarî ûguo mûtianjokerera.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Amosi 4:6

Nînie natûmire kûgîe na yûra matûûrarî menyu monthe nwatî mûtianjokerera.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Amosi 4:9

“Nînamûverithirie na kûmûvîvîria mîmera na ndavaîki. Mîgûnda yenyu yonthe ya irio wana ya mûthavibu wana mîtî yenyu îrîa îkethagwa ngûyû na ndamaiyû nîyarîrwe nî ngige. Kûnarî ûguo nîmwaregire kûnjokerera.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Aroma 2:2

Nîtwîcî atî îtua rîa Ngai nî rîa ma kûrî andû arîa mekaga maûndû ta mau.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!