Jeremia 5:28 - ÎVUKU RÎA ÛVORO MWARO

²⁸ nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Jeremia 5:28 ပူးပေါင်းရင်းမြစ်များ

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Thaburi 119:70

Ngoro ciao imatîte ta maguta, nwatî nie nîngenaga nî watho waku.

Thaburi 72:4

Mûthamaki arogitîra kîvooto Kîam arîa avinyîrîrie, atethererie arîa marî na ûvatari, na acûkangie arîa mamavinyagîrîria.

Thaburi 73:12

Ûguo nîguo andû arîa aganu mekariî; marî na indo nyîngî na nwa maragîa ciîngî makîria.

Thaburi 73:4

Matiîgucaga ruuo; mîîrî yao nî ûgima na marî na vinya.

Nthi 15:25

Ngai-Mûnene nîomomoraga mîciî ya andû arîa etîi, nwatî nîagitagîra indo cia aka a ndigwa.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 2:33

Nama we nîwîcî gûcaria andû a kwendana nao, wana nginya aka arîa aganu nîûmathomithîtie mîthiîre yaku.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.