Jeremia 5:24 - ÎVUKU RÎA ÛVORO MWARO

²⁴ Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Jeremia 5:24 ပူးပေါင်းရင်းမြစ်များ

Kîam 8:22

Vîndî îrîa yonthe nthî îkethagîrwa îrî vo, gûkethagîrwa na îvinda rîa mavanda na îvinda rîa maketha, îvinda rîa mvevo na îvinda rîa ûrugarî, îvinda rîa riûa na îvinda rîa mbura, îvinda rîa mûthenya na îvinda rîa ûtukû.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

Ayubu 29:23

Maambetagîrîra ta ûrîa metagîrîra mbura, ta ûrîa mûrîmi etagîrîra mbura ya mwere.

Ayubu 38:37

Nû wîna ûûgî wa kûmenya ûrîa matu megana? Na nû ûngîmenamania makauria mbura,

Ayubu 5:10

Nîke urithagia mbura nthî, na agetîrîria mîgûnda manjî.

Thaburi 147:8

Nîatambarûkagia matu îgûrû rîetû, nîke ûtûmaga mbura yure nthî, na agatûma nyaki îmere irîmarî.

Thaburi 65:9

Nîûmenyagîrîra nthî na ûkamiurithîria mbura; nîûnorithagia mûthetu, we Ngai, rûnjî rwaku rwîcûrîte manjî, na nîûvecaga vûrûri irio, nîûndû ûguo nîguo ûvangîrîte vûrûri.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Zakaria 10:1

Voyani Ngai-Mûnene amûve mbura vîndî ya mbura nini, Ngai-Mûnene nîke ûtûmaga kûgîe na matu maumaga mbura, akauria mbura na mîgûnda îkagîa na irio nîûndû wa andû onthe.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

Gûco 28:12

Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.