Jeremia 5:22 - ÎVUKU RÎA ÛVORO MWARO

²² Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Jeremia 5:22 ပူးပေါင်းရင်းမြစ်များ

Kîam 1:9

Nake Ngai nîwaugire atîrî, “Manjî marîa marî rungu rwa matu nîmacokanîrîre vamwe nîguo nthî nyûmû yumîre.” Na gûgîtuîka guo.

1Atha 13:28

Nîwatwîre îgûrû rîayo na akîthiî. Nîwethîre kimba kîu kîmamîte njîrarî, nayo mvunda na mûnyambû irûngamîte vakuvî nakîo. Mûnyambû ndwarî mûrîu kimba kîu kana ûtharîkîra mvunda.

Ayubu 26:10

Acorete kîthiûrûrû îgûrû rîa îria, nîguo kîgaanie ûtheri na ndûma.

Ayubu 37:24

Kwoguo andû onthe nîmamûvecaga gîtîîo; na ndarûmbûyanagia na mûndû ûrîa wîtucaga mûgî.”

Ayubu 38:8

Kana nû wavingîrîrie îria rîrîa rînene na mîrango, rîrîa manjî maativûkire kuuma kûrîa kûriku na makîaraga nthî?

Thaburi 104:9

Nîwathondekere manjî mîtaro îrîa matangîvîtûka, nîguo matigakunîkîre nthî rîngî.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 33:7

Aaûnganirie manjî monthe ma îriarî na akîmaiga vandû vamwe, aavingîre manjî monthe vamwe ta mûndû avingîrîte irio makûmbîrî.

Thaburi 46:3

wana îria rîaruruma na manjî ma rîo maunjugîke, na irîma cinaine nîûndû wa ndivû cia rîo.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Nthi 8:29

Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 64:2

Ingîvîa ta ûrîa mwaki ûvîvagia kîthaka, ta ûrîa mwaki ûtûmaga manjî matherûke. Ûka ûmenyithanie rîîtwa rîaku kûrî nthû ciaku, na ûtûme ndûrîrî cinaine irî mbere yaku!

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Amosi 4:12

Kwoguo mue andû a Isiraeli nîngûmûverithia. Na nîûndû nîngûmûverithia, îîvarîrieni îtuîro rîakwa.”

Amosi 9:6

ûrîa ûtumaga nyomba yake îgûrû matuurî, na akaiga mûtambarûko wa matu îgûrû rîa nthî. Nîke ûnganagia manjî marîa marî îriarî, akametûrûra gûkû nthî nyûmû, rîîtwa rîake nî Ngai-Mûnene.

Jona 1:16

Amenyereri acio a meri nîmeetigîre Ngai-Mûnene mûno, na nîmaamûrutîre magongoona na makîmwîrîra na mîvîtwa atî, makaamûtungatagîra.

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Maariko 4:39

Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Gûco 28:58

“Ethîrwa mûtikaavingagia na kinyi mawatho monthe marîa mandîkîtwe îvukuurî rîîrî, na mwîtigagîre rîîtwa rîa Ngai-Mûnene Ngai wenyu, na nîrîo rîrî riiri na rîagîrîrwe nî kûgoocwa,

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”