Jeremia 5:17 - ÎVUKU RÎA ÛVORO MWARO

¹⁷ Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Jeremia 5:17 ပူးပေါင်းရင်းမြစ်များ

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Isaia 65:22

Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 25:37

na ndîthia irîa irakirîrîrîtie nînjûkangie nîûndû wa marakara manene ma Ngai-Mûnene.

Jeremia 4:26

Nînaroririe na ngîona vûrûri ûrîa mûnoru ûtuîkîte werû, na matûûra ma kuo marî momomore, nîûndû wa marakara meengî ma Ngai-Mûnene.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 5:18

“Nwatî wana mîthenyarî îo, nie Ngai-Mûnene ndikamûcûkangia mûthire.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 50:7

Arîa onthe macemanagia nao, nî mamatharîkagîra. Nthû ciao ciugaga atî, ‘Tûtirî na mavîtia. O nîkwa mevîrîtie Ngai-Mûnene, ûrîa arî ke ûtûûro wao na methe mao maatwîre mevokete.’

Jeremia 8:13

Ngai-Mûnene arauga atîrî, “Nendaga gûcokanîrîria andû akwa vamwe, ta ûrîa mûrîmi acokanagîrîria maketha make, mekariî ta mîthavibu îtarî na thavibu, kana ta mîkûyû îtarî na ngûû; na mathangû mayo marî maûmû, wana kîrîa kîonthe namaveete nîkîaûrire.”

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Maca 2:12

Marîragîra aang'ina makîmaûragia nîtûrîa ndûî na nîtûnyua ndûî. Magûcaga varavararî ta andû marî na ironda, na kavora kavora magakuîra njararî ciao.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Ezek 36:4

Kwoguo, Mue irîma cia Isiraeli, thikîrîriani ûrîa Ngai-Mûnene akûmwîra mue irîma namue tûrîma, mue nyûnjî na cianda; wana kûndû kûrîa gûtigîtwe kûrî werû na matûûra marîa mathame, nîmûtavîtwe na mûgatuîka kîndû gîa kûthekererwa nî mavûrûri marîa mengî mamûthiûrûrûkîrîtie.

Hosea 2:12

Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Zefania 3:6

Ngai-Mûnene arauga atîrî: “Nînjûkangîtie mavûrûri monthe; nînjûkangîtie matûûra ma kuo na ngatiga nthingo ciakuo irî njûkangie. Matûûra ma kuo nîmatiganîrie; tûcîra tûtigîtwe tûtarî mûndû.

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.