Jeremia 5:11 - ÎVUKU RÎA ÛVORO MWARO

¹¹ Nîûndû andû a Isiraeli na andû a Juda, methîrîtwe matarî evokeku kûrî nie wanarî vanini. Ûguo nîguo Ngai-Mûnene arauga.”

Jeremia 5:11 ပူးပေါင်းရင်းမြစ်များ

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 3:20

Nama, wata ûrîa mûndûmûka ûtarî mwîvokeku atigaga mûthuuri wake, ûguo nwa guo mwîthîrîtwe mûtarî evokeku kûrî nie mue andû a Isiraeli. Ûguo nîguo Ngai-Mûnene arauga.”

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.