Jeremia 5:10 - ÎVUKU RÎA ÛVORO MWARO

¹⁰ Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 5:10 ပူးပေါင်းရင်းမြစ်များ

2Maû 12:4

Nîwanyitire matûûra monthe marîa maarî mairigîre ma vûrûri wa Juda na makîthiî nginya Jerusalemu.

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Jeremia 5:11

Nîûndû andû a Isiraeli na andû a Juda, methîrîtwe matarî evokeku kûrî nie wanarî vanini. Ûguo nîguo Ngai-Mûnene arauga.”

Jeremia 5:18

“Nwatî wana mîthenyarî îo, nie Ngai-Mûnene ndikamûcûkangia mûthire.

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.