Jeremia 49:8 - ÎVUKU RÎA ÛVORO MWARO

⁸ Andû a Dedani garûrûkani mûre! Îthitheni! Nîngwananga njiarwa cia Esaû, nîûndû îvinda rîa kûiverithia nîrîkinyu.

Jeremia 49:8 ပူးပေါင်းရင်းမြစ်များ

Isaia 2:21

Andû nîmakethitha ngurungarî cia mathiga, na mîanyarî ya mathiga, nîguo maûrîre marakara ma Ngai-Mûnene, na riiri wa vinya wake rîrîa agaaûka kûmakia nthî.

Isaia 21:13

Ûyû nî ûrathi wîgiî Arabia. Mue andû a Dedani mûthiîte mûrûmanîrîrîte, rarîrîrani werûrî wa Arabia ûmûnthî.

Isaia 34:5

Nîûndû rûviû rwa Ngai nî rûvarîrîrie îgûrû, taroriani, rûranyûrûrûka rûthiîte kûverithia Edomu, andû arîa avangîte kûthiria.

Jeremia 25:23

andû arîa matûûraga Dedani, Tema, Buzi na andû onthe arîa menjagwa njuîrî igakuvîva;

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 48:28

“Mue atûûri a Moabu, umani matûûrarî menyu, mûthiî mûgatûûre ngurungarî cia mathiga! Tutiani ndutuura îrîa îtumaga kîomba Kîamyo mûromorî wa nguva.

Jeremia 48:44

Mûndû ûrîa ûkaûra nî kîmako, nî akagwa îrimarî, na mûndû ûrîa ûkauma îrimarî, nîakaanyitwa nî mûtego. Nîûndû Ngai-Mûnene areterete Moabu maûndû mama, nîûndû mwaka wao wa kûmaverithia nîmûkinyu. Ûguo nîguo Ngai-Mûnene arauga.

Jeremia 48:6

Vinyûra! Ûvonokie mwoyo waku! Vinyûrani ta nyûmbû ya werûrî!

Jeremia 49:30

“Ngai-Mûnene arera andû a Hazoru atîrî, Ûrani mûthiî kûraca mûkethithe! Nîûndû Nebukadinezarû mûthamaki wa Babuloni, nîavangîte mûvango mûcûku îgûrû rîenyu, na nîakûmwîka maûndû macûku.”

Jeremia 49:32

“Tavani ngamîîra na ndîthia ciao! Nîngaamanyagarûkia kûndû kuonthe, andû arîa menjaga njuîrî ciao igakuvîva mîena, njoke nîmaretithîrie mûthiro na mîena yonthe. Ûguo nîguo nie Ngai-Mûnene nauga.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Malaki 1:3

na ngîthûra Esaû. Nînacûkangirie vûrûri wa Esaû ûrîa ûrî irîma na nîguo îgai rîake, na ngîûtigîra nyamû cia kîthaka ciîkarage kuo.”

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.

Atir 6:2

Andû a Midiani maarî na vinya gûkîra Aisiraeli. Nao Andû a Isiraeli nîmeethithire ngurungarî na kûndû kwîngî kûu irîmarî.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;