Jeremia 49:32 - ÎVUKU RÎA ÛVORO MWARO

³² “Tavani ngamîîra na ndîthia ciao! Nîngaamanyagarûkia kûndû kuonthe, andû arîa menjaga njuîrî ciao igakuvîva mîena, njoke nîmaretithîrie mûthiro na mîena yonthe. Ûguo nîguo nie Ngai-Mûnene nauga.

Jeremia 49:32 ပူးပေါင်းရင်းမြစ်များ

Jeremia 25:23

andû arîa matûûraga Dedani, Tema, Buzi na andû onthe arîa menjagwa njuîrî igakuvîva;

Jeremia 49:36

Nîngarekereria rûkûngi kuuma mîena îna ya nthî rûthiî vûrûrirî wa Elamu, na nyaganie andû a kuo mathiî mîena yonthe na nîmagecûra mavûrûrirî monthe.

Jeremia 9:25

Ngai-Mûnene arauga atîrî, “Mîthenya nîgaakinya rîrîa ngaverithia andû onthe arîa maruîte mwîrî tu:

Jeremia 9:26

Misiri, Juda, Edomu, njiarwa cia Amoni, Moabu na andû onthe arîa matûûraga werûrî na menjaga njuîrî ciao igakuvîva mîena. Andû a ndûrîrî ino cionthe na andû onthe a Isiraeli tî aruu ngororî.”

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.