Jeremia 49:31 - ÎVUKU RÎA ÛVORO MWARO

³¹ ‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Jeremia 49:31 ပူးပေါင်းရင်းမြစ်များ

Thaburi 123:4

Tûrî anyarare nî itonga gwa kavinda karaca mûno, na tûkairwa mûno nî andû arîa etîi.

Thaburi 73:12

Ûguo nîguo andû arîa aganu mekariî; marî na indo nyîngî na nwa maragîa ciîngî makîria.

Isaia 32:11

Inainani, mue aka aya mwîkaraga mwîganîrîte, tetemani mue mûtarî ûndû mwîtigagîra; rutani nguo cienyu, mûtigwe mûrî njaga, na mwîyove nguo cia macakaya ciûnorî cienyu.

Isaia 32:9

Ûkîrani, mue aka aya mûtûûraga mwîganîrîte, thikîrîriani mûgambo wakwa, mue erîtu aya mûtarî ûndû mwîtigagîra, thikîrîriani ûrîa nguuga.

Isaia 42:11

Werû na matûûra marîa marî kuo nîmaugîrîrie, andû a icagi cia Kedari nîmamûkumie! Andû arîa matûûraga Sela nîmaine makenete, nîmaugîrîrie marî îgûrû rîa irîma!

Isaia 47:8

“Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Jeremia 48:11

“Moabu atûûraga na thayû kuuma arî mûnini, akirîrîtie ta ndivei îtarî ngerûre, ndivei îtanonoranua kuuma mûtûngirî ûmwe kûthiî wîngî. Moabu ndanavirwa îthamîriorî, kwoguo ndanathira mûcamo wake, na atûûraga anungaga waro.

Ezek 30:9

“Mûthenya ûcio nîngaatûma anjaama maume kûrî nie marî na meri nîguo mathiî makamakie andû a Ethiopia nîûndû meciragia nî agitîre. Nîmakaamaka mûno mûthenya ûrîa Misiri îkaagwa. Nama mûthenya ûcio nîûkîte.”

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Mika 7:14

We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Nahumu 1:12

Ngai-Mûnene arera andû ake atîrî, “Wana ethîrwa Asîria nî engî na marî vinya, nîmakaavootwa na macûkangue. Wana ethîrwa nînîmûnyamarîtie mûno, nie tînîmûnyamaria rîngî.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Ndari 23:9

Nîrî îgûrû rîa irîma nînîmoonaga, nînîmaroragia nîrî îgûrû rîa irîma. Acio nî andû matûûraga marî onga; nîmaicî atî nî arathime gûkîra andû a mavûrûri marîa mengî!

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.