Jeremia 49:29 - ÎVUKU RÎA ÛVORO MWARO

²⁹ Ocani magema mao na ndîthia ciao, wana mbathia na indo ciao cionthe; macuneni ngamîîra ciao na mûmeere atîrî, ‘Guoya wîcûrîte kûndû kuonthe!’

Jeremia 49:29 ပူးပေါင်းရင်းမြစ်များ

Kîam 37:25

Rîrîa mekarire nthî kûrîa irio, nîmoonire gîkundi Kîam Aishumaeli marî rûgendorî maumîte Gileadi mathiîte Misiri. Ngamîîra ciao ciakuuîte ûbani, indo irîa ciîkagîra irio mûcamo, na mînyamû mînungi waro kuuma mûtîrî wa mare.

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Thaburi 120:5

Kaî nîrî na thîna-î atî ndûûraga ta mûgeni vûrûrirî wa Mesheki, ta mûgeni magemarî ma Kedari.

Thaburi 31:13

Nînîregua nthû nyîngî ikîvevanîrîra, thîna ûrî na mîena yonthe, maravanga ûrîa makûntharîkîra, maravanga ûrîa makûmbûraga.

Isaia 13:20

Îtûûra rîu rîtigacoka gûtûûrwa nî andû, kana rîkarwa nî njiarwa tene na tene. Gûtirî Mûarabu ûkaamba îgema rîake kuo, na gûtirî mûrîthi ûkaarîthia ndîthia yake kuo.

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Jeremia 10:20

Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 49:24

Andû a Damesiki nîaûre nî vinya, maagarûrûkire maûre makînyitwa nî guoya; nîmagîte na ruuo na kîeva kînene, ta mûndûmûka arî na ûrûrû wa gûciara.

Jeremia 49:5

Taroria, nîngûmûretera maûndû ma kûmwîguithia guoya, kuuma kûrî andû onthe arîa mamûrigicîrîtie, namue nîmûkavinyûrua wa mûndû aûre njîra yake, na gûtikaagîa mûndû wa gûcokanîrîria arîa maaûrire. Ûguo nîguo nie Ngai-Mûnene nîrauga.

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Habakuku 3:7

Nonire andû a Kushani makîthînîka, na andû a Midiani makinaina.

2Akor 4:8

Tue nîtûnyamaragua na njîra cionthe, nwatî tûtivootagwa. Vîndî îmwe twîthagîrwa tûkîthangania, nwatî tûtikucaga ngoro.

2Akor 7:5

Vîndî îrîa twakinyire Makedonia, tûtianogoka. Kwarî na mathîna kûndû kuonthe, ngarari na andû arîa engî na tûkîgua guoya ngororî cietû.

Atir 6:5

Maathiîre vûrûrirî wa Isiraeli na ng'ombe ciao, wana magema mao. Maathiîre vûrûrirî ûcio mengîvîte ta ngige. Andû acio o ene vamwe na ngamîîra ciao matiatarîkaga nîûndû wa kwîngîva. Maatonyire vûrûrirî nîguo maûcûkangie viû.

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

Atir 8:21

Zeba na Zalimuna nîmeerire Gideoni atîrî, “Ûkîra ûtûûrage arî we. Ûkîra ûtûrage ethîrwa ûrî mûndûmûrûme.” Kwoguo Gideoni nîwaûkîrire na akîûraga Zeba na Zalimuna. Nîwacokire akîruta mîkathî îrîa yarî ngingorî cia ngamîîra ciao na akîthiî nayo.

Atir 8:26

Icûvî cia matû cia thaavu irîa Gideoni eetirie ciarî na ûrito wa vakuvî kilo mîrongo îîrî (20 kg) gûtatarîtwe mînyamû îrîa yacuragua ngingorî cia ngamîîra, mîkathî ya ngingo, na nguo cia rangi wa njambarawe irîa ciekagîrwa nî athamaki a Midiani.