Jeremia 49:23 - ÎVUKU RÎA ÛVORO MWARO

²³ Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Jeremia 49:23 ပူးပေါင်းရင်းမြစ်များ

Kîam 14:15

Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki.

Kîam 15:2

Nwatî Aburamu nîwacokirie atîrî, “Ûûi Ngai-Mûnene Ngai, kîrîa ûkaamva gîkaang'una nakî nîûndû nie ndirî ciana? Mûndû ûrîa ûkangaa nî Eliezeri wa kuuma Damesiki.

2Sam 17:10

Nake mûndû ûrîa mûmîrîru mûno, na ûrî ngoro ta ya mûnyambû nîagetigîra nîûndû Aisiraeli onthe nîmaicî atî aguo nî mûndû wicî kûrûa mûno na andû ake methagîrwa marî njamba.

2Sam 8:9

Rîrîa Toi mûthamaki wa Hamathi eegwire atî Daudi nîwavooteete athigari onthe a mbaara a Hadadezeri,

1Atha 11:24

Rezoni nîwaûnganîtie gîkundi Kîam andû arîa maareganaga na wathani wa Daudi rîrîa Daudi aaûragire andû a Zoba. Rezoni nîwatuîkire mûtongoria wa gîkundi kîu. Andû acio nîmaathiîre Damesiki na magîtûûra kuo nake Rezoni agîtuîka mûthamaki wao.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 18:34

Irî kû ngai cia Hamathi na Aripadi? Irî kû ngai cia Sefarivaimu, Hena, na Iva? Nîivonoketie andû a Samaria kuuma kûrî nie?

2Atha 19:13

Athamaki a Hamathi, Aripadi, mûthamaki wa îtûûra rînene rîa Sefarivaimu, na mûthamaki wa Hena na Iva marî kû?”

2Atha 5:12

Kinthî nyûnjî cia gwetû Damesiki, Abana na Faripari tî mbaro gûkîra nyûnjî cionthe cia Isiraeli? Kinthî ndingîîthambîrie kuo na ngavonua?”

2Maû 16:2

Asa nîwacokire akîruta sîlûva yonthe na thaavu kuuma hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre Benihadadi, mûthamaki wa Sîria, ûrîa watûûraga Damesiki akîmwîra atîrî,

Ntha 15:15

Atongoria a Edomu nî amaku; nao andû arîa marî vinya a Moabu nîmarainaina nîûndû wa guoya; andû a Kanaani nîmathirîtwe nî ûmîrîru.

Isaia 10:9

Nîmvoota Kalino wata ûrîa nekire Karikemishi. Nîmvoota Hamathi wata ûrîa nekire Aripadi, na mvoote Samaria wata ûrîa nekire Damesiki.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 13:7

Kwoguo njara cia andû onthe nîikaaregera, na ngoro cia andû onthe iringîke.

Isaia 36:19

Nîkwa ngai cia Hamathi na cia Aripadi irî kû? Nîkwa ngai cia Sefarivaimu irî kû? Nîivonoketie Samaria kuuma kûrî nie?

Isaia 37:13

Mûthamaki wa Hamathi, na wa Aripadi, wa îtûûra rîa Sefarivaimu, na wa Hena, kana wa Iva marî kû?’ ”

Isaia 57:20

Nwatî andû arîa aganu mekariî ta îria rîgikia ndiivû, rîrîa rîtangîvoorera; makûmbî ma manjî ma rîo maikagia ndaka na gîko ndeererî ciarîo.

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Jeremia 39:5

Nwatî athigari a mbaara a Akalidei nîmaamarûmîrîre na magîkinyîra Zedekia vakuvî na Jeriko. Mamûnyita nîmaamûvirire kûrî mûthamaki Nebukadinezarû îtûûrarî rîa Ribula vûrûrirî wa Hamathi, nake mûthamaki nîwamûtuîrîre.

Ezek 27:18

Andû a Damesiki nîmaagûraga indo kûrî we nîûndû warî na ûtonga wa indo cia mîthemba mîngî. Nîmaakûretagîra ndivei kuuma Heliboni na guoya wa rangi mûcerû wa ng'ondu kuuma Saharu.

Amosi 6:2

Tathiîni îtûûra rîa Kaline mûkeyonere, na mûthiî îtûûrarî înene rîa Hamathi, na mûnyûrûrûke mûkinye îtûûrarî rîa Gathu vûrûrirî wa a Filisiti. Nîkwa maarî maro gûkîra mothamaki mama, kana nîkwa vûrûri wao ûrî mûnene gûkîra wenyu?

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Ndari 13:21

Kwoguo athigani acio nîmaaunûkirie na makîthigana vûrûri ûcio mambîrîrîtie werû wa Zini nginya Rehobi vakuvî na njîra îrîa îthiîte Hamathi.

Ciîko 27:20

Na rîrîa riûa wana njata ciaregire kuumîra kwa îvinda rîa mîthenya mîîngî, na rûkûngi rûgîkara rûkîvurutanaga na vinya mûno, nîtwatere mwîrîgîrîro wonthe wetû wa kûvonoka.

Ciîko 9:2

na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.

2Akor 11:32

Rîrîa naarî Damesiki, mûndû ûrîa wathanaga vandûrî va mûthamaki Areta nîwaigire athigari ivingorî cia îtûûra nîguo manyite.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Josh 14:8

Nwatî andû arîa naathiîcanirie nao nîmaatûmire andû etû metigîre. Nwatî nie nînathîkîre Ngai-Mûnene, Ngai wakwa nîrî na wîvokeku.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.