Jeremia 49:20 - ÎVUKU RÎA ÛVORO MWARO

²⁰ Kwoguo ta thikîrîria mûvango ûrîa Ngai-Mûnene arî naguo îgûrû rîa Edom, na maûndû macûku marîa avangîte gwîka kûrî atûûri a Temani: wana nginya twana tûrîa tûnini mûno nîtûkathiîwa natuo, nao andû onthe nîmakaamakua mûno nî ûvoro ûcio.

Jeremia 49:20 ပူးပေါင်းရင်းမြစ်များ

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Jeremia 49:13

Nie mwene nînîvîtîte nama atî, îtûûra rîa Bozira nîrîtuîka kûndû gwa kwîguithia andû guoya, na gwa kûnyararwa, werû na kûrume; na matûûra ma kuo monthe nîmatûûra marî macûkangie viû. Nie Ngai-Mûnene nînie nauga ûguo.”

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 50:45

Kwoguo tathikîrîriani mûvango ûrîa nie Ngai-Mûnene nîrî naguo îgûrû rîgiî Babuloni, na maûndû marîa mvangîte gwîka andû a kuo. Nama ciana ciao nîigaakururua ithiîwe nacio, na andû onthe nîmakaamaka.

Amosi 1:12

Kwoguo nîngaatûma mwaki îtûûrarî rîa Temani, naguo nîûkaavîvia kûrîa kûgitîre îtûûrarî rîa Bozira.”

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.