Jeremia 49:2 - ÎVUKU RÎA ÛVORO MWARO

² Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Jeremia 49:2 ပူးပေါင်းရင်းမြစ်များ

2Sam 11:1

Kîambîrîriarî Kîam mwaka vîndî îrîa athamaki maamenyerete kûthiî mbaararî, Daudi nîwatûmire Joabu, vamwe na ndungata ciake wana Aisiraeli onthe mathiî vamwe. Nao nîmaavootire Aamoni na makîthiûrûrûkîria îtûûra rîa Roba. Nwatî Daudi ke mwene nîwatigirwe Jerusalemu.

Thaburi 48:11

Tiga andû a Zayuni makene! Tiga andû a matûûra ma Juda macanjamûke, nîûndû ûtucagîra andû na kîvooto!

Thaburi 97:8

Andû a Zayuni nîakenu; andû onthe a Juda nî marakûngûîra, nîûndû wa ûrîa, we Ngai-Mûnene ûtucanagîra ciira.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 17:1

Îno nî ndûmîrîri ya Ngai-Mûnene îgiî Damesiki. “Damesiki ndîgaatuîka îtûûra rîngî; îgaatuîka îganjo.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 49:1

Ûvororî wîgiî andû a Amori, Ngai-Mûnene araûria atîrî, “Nîkwa Isiraeli gûtarî arûme? Gûtirî mûndû ûngîgaa vûrûri ûcio? Nîndûî gîtûmîte andû arîa magocaga ngai îrîa îtagwa Milikomu, megwatîre vûrûri wa Gadi makînatûûra kuo?

Ezek 21:20

Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Ezek 21:25

“Nawe we mûtongoria wa Isiraeli, mûtongoria mwaganu na ûtarî mûtheru, mîthenya yaku ya îverithia rîa mûthiia nîmîkinyu.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Obadia 1:19

Andû arîa matûûraga mwena wa Negebu nîmakegwatîra vûrûri wa Edomu, nao arîa matûûraga Shefela megwatîre vûrûri wa Afilisiti. Andû a Isiraeli nîmakegwatîra vûrûri wa Efiraimu na megwatîre vûrûri wa Samaria; na andû a Benjamini nîmakegwatîra vûrûri wa Gileadi.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Ndari 21:25

Kwoguo andû a Isiraeli nîmegwatîre matûûra monthe ma vûrûri wa Amori, Heburoni na icagi cionthe ciamo.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Josh 17:16

Nacio njiarwa cia Josefu nîciacokerie Joshua atîrî, “Vûrûri ûrîa ûrî irîma tî mûnene wa gûtwîgana. Nwatî vûrûri ûrîa mwaraganu wa Bethi Sheani na matûûra marîa maûthiûrûrûkîrîtie na Kîamnda Kîam Jezireeli gûtûûraga Akanaani. Andû acio marî na ikaari cia mbarathi cia cuuma.”